Surjoznaja avaryja adbyłasia kala piaci hadzin viečara ŭ subotu na trasie M6 «Minsk-Hrodna». Pavodle infarmacyi vidavočcaŭ, kala Ščučyna lehkavik na zakruhleńni ramantavanaha ŭčastka ŭ łabavuju sutyknuŭsia z MAZam darožnaj słužby. Ad udaru hruzavik raźviarnuła, jon źjechaŭ u kiuviet. Na trasie tut ža pačaŭ źbiracca vialiki zator z fur, aŭtobusaŭ i lehkavikoŭ.
Na miesca avaryi prybyli ratavalniki i miedyki. Lehkavy aŭtamabil atrymaŭ nastolki surjoznyja paškodžańni, što jaho pasažyraŭ «vyrazali» ź jaho, pieradaje autogrodno.by. Na momant vyciahvańnia ludziej z sałona jany byli žyvyja, paźniej kiroŭca pamior u balnicy.
Jak raspaviali ŭ Hrodzienskaj DAI, u avaryju trapiŭ aŭtamabil z mužam i žonkaj. Na «Piežo» haradziency viartalisia dadomu pa aŭtadarozie «Minsk-Hrodna». U Ščučynskim rajonie maršrut ich ruchu pralahaŭ praz ramantavany ŭčastak. Na 203-m kiłamietry aŭtastrady kiroŭca nie ŭpisaŭsia ŭ pravy pavarot, vyjechaŭ na sustrečnuju pałasu, dzie ŭrezaŭsia ŭ «MAZ» darožnaj słužby, jaki raźviarnuŭsia i źjechaŭ u kiuviet.
Praz čatyry hadziny paśla avaryi kiroŭca pamior u reanimacyjnym adździaleńni balnicy. Jaho žonka špitalizavanaja.
Kamientary