Kancler Hiermanii Anhieła Mierkiel u dziaviaty raz abranaja staršynioj partyi Chryścijanska-demakratyčny sajuz. Za kandydaturu Mierkiel prahałasavali 89,5% delehataŭ partyjnaha źjezda ŭ Esenie, paviedamlaje VVS.
Anhieła Mierkiel kiruje partyjaj amal 17 hadoŭ. Raniej jana zajaviła ab namiery ŭ 2017 hodzie znoŭ vyłučyć svaju kandydaturu na pasadu kanclera Hiermanii.
Joj daviadziecca zmahacca z rastučaj papularnaściu partyi jeŭraskieptykaŭ «Alternatyva dla Hiermanii», jakoj udałosia pieravabić sabie hałasy prychilnikaŭ inšych partyj.
Na vybarach u rehijanalny parłamient Bierlina, jakija prajšli ŭ vieraśni, partyja CHDS paciarpieła samuju surjoznuju parazu za apošnija 26 hadoŭ, nabraŭšy 17,6% hałasoŭ.
Mierkiel ŭziała na siabie adkaznaść za parazu partyi, adnym z faktaraŭ jakoj, pa jaje słovach, stała palityka «adkrytych dźviarej» u adnosinach da mihrantaŭ.
«Kali b ja mahła, ja b paviarnuła čas nazad — na šmat, šmat hadoŭ», — zajaviła Mierkiel, vykazaŭšy škadavańnie, što va ŭrada nie było bolš času, kab padrychtavacca da napłyvu mihrantaŭ u Jeŭropie.
Mnohija naziralniki ličać vyniki rehijanalnych vybaraŭ važnym indykataram nastrojaŭ u Hiermanii napiaredadni vybaraŭ u bundestah 2017 hoda.
Publikujecca ŭ miežach śpiecyjalnaj rubryki «Naviny Hiermanii»
Skandał u «Jeŭraopcie». 96‑hadovamu dziadulu nie dazvolili prysieści na kresła kala kasy20
Kamientary