Jeŭrasajuz nieŭzabavie dazvolić hramadzianam Ukrainy, Hruzii i Kosava pajezdki bieź viz, bo ŭdałosia vyrašyć pytańnie ab miechaniźmie prypynieńnia biaźvizavaha režymu, paviedamlaje VVS. Unutranaja sprečka ŭ ES zastavałasia hałoŭnaj pieraškodaj na šlachu Kijeva i Tbilisi da admieny viz.
Pieramovy z udziełam krain-siabroŭ ES i Jeŭrapiejskaha parłamienta skončylisia napiaredadni ŭviečary dasiahnieńniem pahadnieńnia. Miechanizm prypynieńnia biaźvizavaha režymu nieabchodny dla nadzvyčajnych situacyj.
Rada ES vyłučała ŭmovu, kab biaźvizavy režym dla Ukrainy, Hruzii i Kosava pačaŭ dziejničać adnačasova z hetym miechanizmam. Patrabavać prypynieńnia biaźvizavych adnosin moža albo adna z krain ES, albo Jeŭrakamisija.
Napiaredadni ab dasiahnieńni damoŭlenaściej zajaviŭ prezident Ukrainy Piatro Parašenka. «Abnadziejlivyja naviny z Brusiela pa vynikach maich pastajannych kantaktaŭ ź lidarami ES. Kampramis adnosna miechanizmu prypynieńnia biaźvizu znojdzienyja», — pisaŭ jon u fejsbuku. Uzhadnieńnie miechanizmu prypynieńnia adkryje šlach da dalejšaha hałasavańnia na plenarnym pasiadžeńni Jeŭraparłamienta pa pytańni biaźvizavaha režymu dla Ukrainy, pisała napiaredadni vice-śpikier Viarchoŭnaj rady Iryna Hieraščanka.
Ukraina i Hruzija vykanali ŭsie ŭmovy dla libieralizacyi vizavaha režymu ź ES, profilny kamitet Jeŭraparłamienta padtrymaŭ rezalucyju pa Ukrainie ŭ vieraśni, adnak kančatkovaje rašeńnie adkładałasia z-za niavyrašanaści hetaha pytańnia.
Parašenka jašče ŭ žniŭni zajaŭlaŭ, što ES vyrašyć pytańnie ab biaźvizavych pajezdkach praz «ličanyja tydni». Paźniej prezident Ukrainy prahnazavaŭ, što jaho kraina atrymaje biaźvizavy režym z krainami Jeŭrasajuza da kanca listapada, ale pytańnie ź miechanizmam prypynieńnia zaciahvała praces.
Ciapier čytajuć
«Na 15 chvilin vyklučyli śviatło — boža moj, z Ukrainaj paraŭnali». Łukašenka patłumačyŭ, kolki ekanomić na vuličnym aśviatleńni19
Kamientary