15 śniežnia Alaksandr Łukašenka pryznačyŭ lidara Kamunistyčnaj partyi Biełarusi Ihara Karpienku novym ministram adukacyi.
Łukašenka adznačyŭ, što spyniŭsia na kandydatury Ihara Karpienki, vybirajučy siarod mnohich prapanavanych. «Vas nie treba pierakonvać u idejnaj nakiravanaści našaj dziaržavy. I vas nie treba pierakonvać u tym, jakaja ŭvohule ŭ nas pavinna być adukacyja», — cytuje słovy Łukašenki BiełTA.
Ihar Karpienka naradziŭsia ŭ 1964 u Novakuźniecku. Heta sibirski horad niepadaloku ad Kazachstana i Manholii.
Adnak adukacyju jon atrymaŭ užo ŭ Minsku — u piedinstytucie. Karpienka moža być nastaŭnikam historyi, hramadaznaŭstva i anhlijskaj movy. Praŭda, u škole jon pracavaŭ tolki pijaniervažatym.
Jość u jaho i druhaja adukacyja — u Akademii kiravańnia.
Da apošniaha času jon źjaŭlaŭsia namieśnikam staršyni Minharvykankama.
Raniej ministerstva ŭznačalvaŭ Michaił Žuraŭkoŭ.
Łukašenka padkreśliŭ, što pierad Iharam Karpienkam staić šmat zadač pa raźvićci i vyrašeńni roznych prablemnych pytańniaŭ u adukacyi. U tym liku havorka idzie pra dalejšuju realizacyju peŭnaj dla hetaj śfiery kancepcyi, udaskanaleńni navučalnych prahram.
«Na žal, maje ŭstanoŭki nie ŭ poŭnym abjomie realizavany ŭ adukacyi. I vam heta treba budzie ŭsio realizavać», — adznačyŭ kiraŭnik krainy.
Ciapier čytajuć
Mabilnym apierataram zabaranili zahaniać biełarusaŭ u vialiki minus8
Mabilnym apierataram zabaranili zahaniać biełarusaŭ u vialiki minus
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary