Jak paviedamlaje VVS, lidary krain Jeŭrasajuza dasiahnuli damoŭlenaści ŭ Niderłandach, jakaja dazvolić błoku ratyfikavać pahadnieńnie ab asacyjacyi pamiž Ukrainaj i ES, paviedamiŭ premjer-ministr krainy Mark Rute.
Na siońniašni dzień Niderłandy źjaŭlajucca adzinaj krainaj Jeŭrasajuza, jakaja nie ratyfikavała pahadnieńnie. Pa vynikach krasavickaha refierendumu bolš za 60% vybarščykaŭ vykazalisia suprać damovy z Ukrainaj. Adnak analityki zajaŭlali, što, choć pytańnie na refierendumie stajała ab adnosinach z Ukrainaj, na samaj spravie ŭdzielniki hałasavańnia vykazali svajo mierkavańnie z nahody Jeŭrasajuza i jaho struktur.
Samo praviadzieńnie hałasavańnia stała mahčymym, paśla taho jak jeŭraskieptyki sabrali kala 450 tysiač podpisaŭ pad pietycyjaj ab praviadzieńni refierendumu. I choć refierendum nosić tolki rekamiendacyjny charaktar, adrazu paśla jaho ŭłady Niderłandaŭ ŭstupili ŭ pieramovy ź Jeŭrasajuzam ab tym, kab uličyć jaho vyniki. U pryvatnaści, Rute damoviŭsia ab tym, što pahadnieńnie ab asacyjacyi nie budzie pieršym krokam na šlachu da siabroŭstva Ukrainy ŭ ES i nie moža być vykarystana jak takoje ŭ budučyni.
Ciapier premjer-ministr Niderłandaŭ pavinien pieradać atrymanyja ad ES harantyi hetaha, patrebnyja dla ratyfikacyi pahadnieńnia, na adabreńnie ŭ parłamient krainy. Pa słovach premjera, siońnia nieabchodna vypracavać adzinuju pazicyju ES pa Ukrainie na fonie pahroźlivych dziejańniaŭ Rasiei, adnak u jaho niama ŭpeŭnienaści ŭ tym, što parłamient uchvalić rašeńnie krain błoka.
«Heta [damoŭlenaść ź ES] nie było prosta, heta nie było pryjemna, ale heta nieabchodna, pakolki heta harantuje, što ES moža praciahnuć farmiravać adziny front suprać destabilizacyjnaj źniešniaj palityki Rasiei», — skazaŭ Rute.
Kamientary