Na vosiem hadoŭ kałonii ahulnaha režymu z kanfiskacyjaj majomaści asudziŭ sud Leninskaha rajona Hrodna miascovuju žycharku — indyvidualnuju pradprymalnicu.
Akramia taho, žančyna na piać hadoŭ pazbaŭlenaja prava zajmacca pradprymalnickaj dziejnaściu. Prysud byŭ abvieščany 28 śniežnia, infarmuje BIEŁTA.
Hrodzienka mieła biznes na adnym z haradskich rynkaŭ. Jana z 2011 pa 2015 hod uhavaryła znajomych i kaleh pa rynku pazyčyć joj vialikija sumy hrošaj na zakupku tavaru, apłatu mytnych płaciažoŭ i raźvićcio spravy. Niekatorym jana abiacała viarnuć hrošy z dyvidendami. Ahułam žančyna nabrała ŭ znajomych kala 90 młrd niedenaminavanych rubloŭ (kala 6 młn dołaraŭ pa kursie na pačatak 2015 hoda).
Paciarpiełymi apynulisia dziesiać čałaviek. Pierakanaŭšysia, što viartańnia hrošaj im čakać marna, ludzi pačali źviartacca ŭ milicyju.
Da taho ž, majučy bujnuju sumu hrošaj, na praciahu 2014 hoda hrodzienka zarablała na valutna-abmiennych apieracyjach, atrymaŭšy dachod u asabliva bujnym pamiery.
Uletku 2015 hoda na jaje pačali kryminalnuju spravu. Žančynu abvinavacili pa niekalki artykułach Kryminalnaha kodeksu — machlarstva ŭ asabliva bujnym pamiery, a taksama niezakonnaja pradprymalnickaja dziejnaść, źviazanaja z atrymańniem dachodu ŭ asabliva bujnym pamiery.
Sud całkam zadavoliŭ pazovy paciarpiełych ab spahnańni pazyk z abvinavačanaj. Na heta pojdzie aryštavanaja majomaść hrodzienki ahulnym koštam kala 2,8 młrd niedenaminavanych rubloŭ.
Akramia taho, na karyść dziaržavy z žančyny budzie spahnana kala 1,2 młrd rubloŭ, atrymanych ad niezakonnaj pradprymalnickaj dziejnaści.
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ88
Kamientary