U Maskvie zajaŭlajuć pra nieabchodnaść adnavić z Paŭnočnaatłantyčnym aljansam (NATA) byłyja adnosiny, pryznajučy, što «jość masa pryčyn», pa jakich dziaržavy chočuć znachodzicca ŭ hetaj arhanizacyi. Pra heta piša Newsru.com.
«Jaki anachranizm? Mnohim krainam znachodzicca ŭ NATA prosta vyhadna, vyhadna ekanamična, palityčna, tamu što nie treba budavać samastojnuju źniešniuju palityku, dastatkova dałučycca da ahulnaj», — zajaviŭ u intervju «Interfaksu» dyrektar departamienta ahulnajeŭrapiejskaha supracoŭnictva MZS RF Andrej Kielin, adkazvajučy na pytańnie ab tym, ci pa-raniejšamu ŭ Maskvie ličać NATA reliktam i anachranizmam chałodnaj vajny.
Pry hetym jon adznačyŭ, što NATA — «heta realnaść, heta vajenny faktar, i tamu adnymi zahavorami tut nie abyjdziešsia». «Z NATA treba vybudoŭvać narmalnyja adnosiny i adnavić toje, što było», — padkreśliŭ vysokapastaŭleny dypłamat.
Kielin rastłumačyŭ, što «jość masa pryčyn, pa jakich dziaržavy, asabliva nievialikija, chočuć znachodzicca ŭ takoj arhanizacyi». «Niama nieabchodnaści stvarać abaronu pa ŭsim pierymietry krainy. Dapuścim, toj ža Bielhii nie treba mieć samastojnyja vajenna-marskija siły, avijacyju, SPA. Havorka idzie pra padzieł pracy, što značna tańniej. Adna kraina ŭtrymlivaje, skažam, dva frehata i čatyry źniščalnika. A susiedniaja vykonvaje inšyja bajavyja zadačy», — adznačyŭ dypłamat.
Surazmoŭca ahienctva ličyć, što, «viadoma ž, tańniej znachodzicca ŭ takim vajennym sajuzie, čym samastojna budavać abaronu pa ŭsim azimucie». «I, sapraŭdy, niemahčyma pierakanać krainy-siabry ŭ tym, što z NATA treba vychodzić, što heta anachranizm, tamu što čysta racyjanalnyja pryčyny pieravažvajuć», — padkreśliŭ Kielin.
Adznačym, što hetyja zajavy zroblenyja na fonie dypłamatyčnych hulniaŭ pamiž RF i ZŠA: 2016 hod zaviaršyŭsia skandałam, u chodzie jakoha 35 rasijskich dypłamataŭ byli vyhnanyja administracyjaj prezidenta Baraka Abamy z Vašynhtona i San-Francyska. Adnak u adkaz na heta prezident RF Uładzimir Pucin niečakana vyrašyŭ nie śpiašacca sa zvarotnaj vysyłkaj amierykanskich dypłamataŭ, čym vyklikaŭ uchvału abranaha prezidenta ZŠA Donalda Trampa.
Ciapier čytajuć
U Kijevie za špijanaž aryštavali biełaruskuju žurnalistku Inu Kardaš. Kažuć, z 2015 hoda jana pracavała na KDB20
Kamientary