«Čyhunka Sierbii» («Žieleźnicie Srbiјie») zapuściła ciahnik «Biełhrad — kosaŭskaja-Mitravica», kančatkovy punkt maršrutu jakoha — najbujniejšaja abščyna častkova pryznanaj kosaŭskaj dziaržavy, nasielenaj etničnymi sierbami. Heta pieršy ciahnik z časoŭ kosaŭskaha kanfliktu 1998-1999 hoda, jaki złučaje sierbskuju stalicu z byłoj aŭtanomijaj.
Dyzielny łakamatyŭ sastavu zrobleny ŭ Rasii. Usie vahony asnaščany klimatyčnym kantrolem i biespravadnym internetam.
Ciahnik bahata aformleny: usiaredzinie jaho ŭpryhožvajuć pano i fotašpalery z vyjavaj sierbskich pravasłaŭnych śviatyń i kulturnych abjektaŭ, zvonku na 21 movie, uklučajučy ałbanskuju, napisana «Kosava — heta Sierbija».
Jak paviedamlaje pres-słužba «Čyhunki Sierbii», probny etap ekspłuatacyi maršrutu budzie doŭžycca da 26 lutaha, paśla čaho — u vypadku adsutnaści surjoznych prablem — jon ubudujecca ŭ pastajanna dziejučy raskład.
Pradstaŭniki Pryšciny nazvali zapusk ciahnika pravakacyjaj.
Ciapier čytajuć
U Kijevie za špijanaž aryštavali biełaruskuju žurnalistku Inu Kardaš. Kažuć, z 2015 hoda jana pracavała na KDB18
Kamientary