Aleh Korban aštrafavany na 805 rubloŭ za akcyju suprać aŭtara «Rehnuma» Paŭłaŭca
16 studzienia sud Savieckaha rajona horada Minska pakaraŭ lidara hramadskaha abjadnańnia «Alternatyva» Aleha Korbana štrafam u pamiery 35 bazavych vieličyniaŭ (805 rubloŭ).
Takoje pakarańnie vyniesła sudździa Natalla Dračova za ŭdzieł aktyvista 9 śniežnia 2016 hoda ŭ niesankcyjanavanaj akcyi la budynka BDUIR.
9 śniežnia dziasiatak siabroŭ «Alternatyvy» pryjšli da hałoŭnaha korpusa BDUIR u Minsku z raściažkaj «Vykładčyk Paŭłaviec — zdradnik!». Takim čynam aktyvisty vykazali svajo staŭleńnie da aŭtara pravakacyjnych artykułaŭ na sajcie «Rehnum».
Akcyju blakavali družyńniki ŭniversytetu, a taksama niekalki hramadzian u cyvilnym, jakija parvali častku raściažki, a taksama ŭziali ŭ koła pratestoŭcaŭ. Akcyja zaviaršyłasia skandavańniem lozunhaŭ «Hańba!», «Nie» — ruskamu śvietu na Biełarusi!».
Praź miesiac adnamu z aktyŭnych udzielnikaŭ akcyi Alehu Korbanu była ŭručanaja kopija administracyjnaha pratakoła, składzienaha pavodle artykuła 23.34 KaAP, i pozva ŭ sud.
Ciapier čytajuć
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju27
Kamientary