Baćkoŭskim kamitetam aficyjna zabaranili źbirać hrošy ŭ škołach i dziciačych sadkach, havorycca ŭ pastanovie Ministerstva adukacyi № 126, jakaja apublikavana na Nacyjanalnym pravavym internet-partale.
U Ministerstvie adukacyi patłumačyli: zaraz usie srodki na patreby škoły buduć źbirać apiakunskija rady. Pry hetym ŭdakładnili: u baćkoŭskich kamitetaŭ aficyjna nikoli nie było hetaha prava.
— U pastanovie, jakaja ŭžo apublikavana na nacyjanalnym pravavym partale, uniesieny niekatoryja źmieny. Nasamreč baćkoŭskim kamitetam nikoli i nie dazvalałasia źbirać hrošy z baćkoŭ, bo zanadta šmat pytańniaŭ z-za hetaha ŭźnikaje. Zaraz hetym budzie zajmacca apiakunskaja rada, — rastłumačyli TUT.BY u ministerstvie adukacyi.
U viedamstvie adznačyli, što baćki nie pavinny addavać najaŭnyja hrošy ŭ ruki apiakunskaj rady, usie srodki pavinny pieraličvać na rachunak škoły abo himnazii. U dakumiencie havorycca:
«Hrašovyja srodki, nakiravanyja ŭ rasparadžeńnie apiakunskaj rady, farmujucca z dobraachvotnych pieraličeńniaŭ (uznosaŭ) fizičnych asob, jakija zaličvajucca na biahučy (raźlikovy rachunak) pa ŭliku pazabiudžetnych srodkaŭ ustanovy adukacyi. Hrašovyja srodki vykarystoŭvajucca pa metavym pryznačeńni ŭ adpaviednaści z rašeńniem apiakunskaj rady, uzhodnienym z kiraŭnikom ustanovy adukacyi i baćkoŭskim kamitetam ustanovy adukacyi (pry jaho najaŭnaści)».
Źmieny ŭstupajuć u siłu z 20 studzienia 2017 hoda.
Ciapier čytajuć
Minski školnik praspaŭ prypynak. Ale kiroŭca aŭtobusa davioz jaho dadomu!3
Minski školnik praspaŭ prypynak. Ale kiroŭca aŭtobusa davioz jaho dadomu!
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku2424
Kamientary