Hrupa biełaruskich dziaržaŭnych słužačych u 2016 hodzie ŭpieršyniu prajšła stažyroŭki ŭ Nacyjanalnaj škole administracyi Francyi (ENA). Padviadzieńnie vynikaŭ stažyrovak 23 studzienia arhanizavała ŭ Minsku pasolstva Francyi.
Na dumku pasła Dzidźje Kaniesa, udzieł biełaruskich pradstaŭnikoŭ u stažyroŭkach «śviedčyć ab realnych zachadach» u palapšeńni dvuchbakovych adnosin.
Dypłamat raskazaŭ, što Nacyjanalnaja škoła administracyi Francyi zasnavana ŭ 1945 hodzie Šarlem de Holem dla padrychtoŭki vyšejšych dziaržaŭnych čynoŭnikaŭ i na siońnia źjaŭlajecca adnoj z samych prestyžnych vyšejšych škoł krainy. U škole ŭ svoj čas navučalisia šmatlikija francuzskija palityki i kiraŭniki vyšejšaha źviana, u tym liku dziejny prezident Fransua Aland, adznačyŭ pasoł.
«Pry hetym škoła nie adnosicca da liku kłasičnych VNU i nie vydaje ŭniviersiteckich dypłomaŭ. Heta pierš za ŭsio škoła praktyčnaha navučańnia, jakaja pryvivaje dziaržaŭnym słužačym navyki, nieabchodnyja dla vykanańnia ich prafiesijnych zadač. Vykładajuć u škole vyšejšyja dziaržaŭnyja čynoŭniki, jakija adkazvajuć za najvažniejšyja śfiery dziejnaści, što harantuje pramuju suviaź viedaŭ, jakija vykładajucca, z realijami sučasnaha dziaržkiravańnia», — udakładniŭ Kanies.
Pa vynikach adboru ŭ dvuchtydniovych stažyroŭkach uziali ŭdzieł dzieviać dziaržsłužačych ź Biełarusi, jakija pradstaŭlajuć Dziaržaŭny mytny kamitet, Ministerstva ekanomiki i inšyja viedamstvy. Zaniatki prachodzili ŭ Paryžy i Strasburhu.
«Ja tym bolš rady, što hetaja novaja častka našaha supracoŭnictva ź Biełaruśsiu źjaviłasia ŭ momant znamianalnaj dla nas usich daty — 25-hodździa ŭstalavańnia dypłamatyčnych adnosin pamiž Francyjaj i Biełaruśsiu, hetuju datu my budziem adznačać 25 studzienia», — dadaŭ dypłamat.
Pasoł paviedamiŭ, što finansavańnie stažyrovak biełaruskich udzielnikaŭ stała mahčymym dziakujučy padtrymcy Jeŭrasajuza pa prahramie abmienaŭ MOST, jakaja startavała ŭ vieraśni 2015 hoda ŭ Biełarusi.
Kiraŭnik pradstaŭnictva ES Andrea Viktaryn udakładniła, što pa hetaj prahramie ŭžo prajšli stažyroŭki kala 750 udzielnikaŭ, 95 ź ich navučalisia ŭ Francyi.
Ciapier čytajuć
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»25
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2929
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna29
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi22
Kamientary