«Adzinaja mahčymaść źmien — heta pastajannaja, niastomnaja praca, kab ułady Biełarusi zrazumieli, što ŭ ich jość nadziejny partnior u asobie našaj asamblei», — zajaviŭ dakładčyk Parłamienckaj asamblei Rady Jeŭropy Andrea Ryhoni, adkryvajučy 24 studzienia słuchańni pa situacyi ŭ Biełarusi na pasiadžeńni palityčnaha kamiteta PARIE.
Pavodle słoŭ Ryhoni, hetyja słuchańni važnyja tym, što ad Biełarusi na ich prysutničajuć jak pradstaŭnik bolšaści ŭ parłamiencie Andrej Navumovič, tak i pradstaŭnik apazicyi Hanna Kanapackaja. «Hetaha nie było 12 hadoŭ u biełaruskim parłamiencie», — padkreśliŭ jon.
«Apošnija dva hady naša praca była vielmi składanaj, doŭhaj, ciarplivaj, i ciapier u nas jość užo pieršyja vyniki. Pa-pieršaje, u vieraśni byli mirnyja vybary, i dva pradstaŭniki apazicyi ŭ Pałacie pradstaŭnikoŭ ciapier jość. Chaču padkreślić, što heta dźvie žančyny, što taksama vielmi važna. I heta pieršy krok na šlachu pluralizmu», — skazaŭ śpiecdakładčyk.
Ryhoni adznačyŭ, što ŭ śniežni 2016 hoda ŭ Minsku prajšła mižnarodnaja kanfierencyja pa prablemie śmiarotnaha pakarańnia i hramadskaj dumki. «Mnie zdajecca, heta važny krok napierad u pytańni abmierkavańnia śmiarotnaha pakarańnia i bolšaj adkrytaści hramadzianskaj supolnaści, — skazaŭ jon. — My patrabavali i patrabujem uviadzieńnia maratoryja na śmiarotnaje pakarańnie, kab 2017 hod staŭ hodam maratoryja. Heta naš samy hałoŭny zaklik na hetych słuchańniach».
Pavodle słoŭ Ryhoni, PARIE taksama zacikaŭlenaja ŭ praciahu dyjałohu ź Biełaruśsiu pa temie reformy vybarčaha zakanadaŭstva.
Dyskusija pa Biełarusi prachodzić u miežach zimovaj siesii PASIE, jakaja adkryłasia ŭ Strasburhu 23 studzienia.
Dla ŭdziełu ŭ słuchańniach PARIE zaprasiła dvuch deputataŭ Pałaty pradstaŭnikoŭ Nacyjanalnaha schodu. Jak paviedamiŭ 20 studzienia «Radyjo Svaboda» staršynia parłamienckaj kamisii pa mižnarodnych spravach Valeryj Varaniecki, heta byli nie piersanalnyja zaprašeńni. Rašeńnie, chto pajedzie ŭ Strasburh, prymałasia na pasiadžeńni savieta pałaty. «Spynilisia na dvuch kandydaturach. Pieršaja — heta Andrej Navumovič, jon kiraŭnik rabočaj hrupy Pałaty pradstaŭnikoŭ pa pytańniach śmiarotnaha pakarańnia. My dumajem, što hetaja prablema budzie adnoj z samych hałoŭnych padčas dyskusii, tamu vyrašyli nakiravać čałavieka, jaki lepš za ŭsich vałodaje temaj. Druhaja — deputat Hanna Kanapackaja. Čamu mienavita jana? Tamu što jaje pohlady na mnohija rečy, skažam tak, u peŭnaj stupieni adroźnivajucca ad pohladaŭ inšych deputataŭ. Niachaj jeŭradeputaty pačujuć roznyja mierkavańni», — skazaŭ Varaniecki.
Ciapier čytajuć
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB28
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ66
Kamientary