Kanapackaja: Biełaruskija ŭłady chočuć tolki viarnuć status śpiecyjalnaha zaprošanaha ŭ PARIE
Biełaruskija ŭłady chočuć tolki viarnuć status śpiecyjalnaha zaprošanaha ŭ Parłamienckaj asamblei Rady Jeŭropy, a nie zrabić Biełaruś členam Rady Jeŭropy.
Pra heta zajaviła deputat Pałaty pradstaŭnikoŭ Nacyjanalnaha schodu člen AHP Hanna Kanapackaja, vystupajučy 24 studzienia na słuchańniach pa situacyi ŭ Biełarusi ŭ palityčnym kamitecie PARIE ŭ Strasburhu.»Ciapier, kali ŭłady sprabujuć narmalizavać adnosiny ź Jeŭrasajuzam, jany hatovyja supracoŭničać i z Radaj Jeŭropy, i PARIE. Jany chočuć atrymać status śpiecyjalnaha zaprošanaha — heta ich hałoŭnaja meta, a nie stać členam Rady Jeŭropy. Stratehija apazicyi inšaja: apazicyja całkam padtrymlivaje admienu śmiarotnaha pakarańnia. My chočam ratyfikavać kanviencyju ab pravach čałavieka. Chočam viartańnia sumlennych vybaraŭ i vykanańnia Biełaruśsiu ŭziatych na siabie abaviazacielstvaŭ», — skazała Kanapackaja.
Pavodle jaje słoŭ, Abjadnanaja hramadzianskaja partyja i pravacentrysckaja kaalicyja Biełarusi ŭpeŭnienyja ŭ tym, što dla nastupleńnia ŭ krainie pieramienaŭ samym važnym źjaŭlajecca praviadzieńnie vybaraŭ zhodna sa standartami ABSIE. «My padrychtavali źmieny ŭ vybarčaje zakanadaŭstva i zrobim usio, kab jany byli pryniatyja», — skazała Kanapackaja.
«Viadoma, škada, što my stracili 20 hadoŭ, adnak lepš pozna, čym nikoli. My pavinny ŭstupić u Radu Jeŭropy», — padkreśliła deputat.
Dyskusija pa Biełarusi prachodzić u miežach zimovaj siesii PARIE, jakaja adkryłasia ŭ Strasburhu 23 studzienia. Dla ŭdziełu ŭ słuchańniach PASIE zaprasiła dvuch deputataŭ Pałaty pradstaŭnikoŭ Nacyjanalnaha schodu.
Ciapier čytajuć
«U mianie na stale piać hadoŭ lažała papiera ź pieradačaj prava apieki nad synam». Volha Sieviaryniec — pra hady strachu, antydepresanty i nadzieju1111
Kamientary