Pieršy kiraŭnik h. zv. «Łuhanskaj narodnaj respubliki» Valeryj Bołataŭ pamior. Pra heta RBK zajaviŭ eks-premjer «Danieckaj narodnaj respubliki» Alaksandr Baradaj i paćvierdziła krynica, blizkaja da Bołatava. Pryčyny śmierci vyśviatlajucca.
Baradaj skazaŭ, što ab śmierci Bołatava paviedamili jaho blizkija, udakładniŭšy, što nie viedaje padrabiaznaści.
Kiraŭnik infarmacyjnaha centra «Paŭdniova-ŭschodni front» Kanstancin Knyryk skazaŭ «Interfaksu», što Bołataŭ «pamior, papiarednie, ad sardečnaha prystupu ŭ svajoj kvatery ŭ Maskvie niekalki hadzin tamu». «Jamu raptam stała drenna», — dadaŭ Knyryk.
U krasaviku 2014 hoda na narodnym schodzie žycharoŭ Łuhanska Bołataŭ byŭ abrany časova vykonvajučym abaviazki «narodnaha hubiernatara» Łuhanskaj vobłaści. Jon udzielničaŭ va ŭzbrojenym zachopie budynka Kiravańnia SBU ŭ Łuhanskaj vobłaści, byŭ adnym z kamandziraŭ «armii Paŭdniova-Uschodu». 14 žniŭnia 2014 hoda syšoŭ u adstaŭku paśla ranieńnia. Jaho źmianiŭ na pasadzie vierchavoda «ŁNR» Ihar Płatnicki.
Baradaj zajaviŭ, što ad imia Sajuza dobraachvotnikaŭ Danbasa prapanuje ŭładam «ŁNR» uviekaviečyć pamiać pieršaha lidara niepryznanaj respubliki, pastaviŭšy jamu pomnik.
Ciapier čytajuć
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»11
Kamientary