Jeŭrapiejski sud u Luksiemburhu pastanaviŭ, što krainy ES mohuć admaŭlać tym prośbitam prytułku, chto byŭ abvinavačany ŭ datyčnaści da dziejnaści terarystyčnych hrup, paviedamlaje VVS.
Hetaje rekamiendacyjnaje rašeńnie vyšejšaja sudovaja instancyja Jeŭrasajuza vyniesła ŭ suviazi z spravaj marakanca Mustafy Łaŭnani, jaki prasiŭ ab prytułku ŭ Bielhii. Sud vyrašyŭ, što choć Łaŭnani sam nie ŭčyniaŭ terarystyčnych napadaŭ, dakazana, što jon byŭ uciahnuty ŭ dziejnaść źviazanaj z «Al-Kaidaj» hrupoŭki «Marakanskaja isłamskaja bajavaja hrupa».
Jak vyśvietliŭ raniej sud Bielhii, prośbit prytułku abaviazaŭsia akazvać hrupoŭcy dapamohu ŭ atrymańni padrobnych pašpartoŭ i viarboŭcy bajevikoŭ, hatovych adpravicca ŭ Irak.
U rašeńni suda havorycca, što ŭ pradastaŭleńni prytułku možna admović u tym liku i tym asobam, jakija, jak Łaŭnani, jakim-niebudź čynam byli ŭciahnutyja ŭ praces viarboŭki bajevikoŭ abo dapamahali pierasiekčy miažu terarystam, što płanavali napady.
Mustafa Łaŭnani, źviartajučysia z prośbaj ab pradastaŭleńni prytułku, rastłumačyŭ, što nie choča viartacca na radzimu, bo baicca pieraśledu. Pa jaho słovach, u Maroka jaho buduć ličyć džychadystam i radykalnym isłamistam.
Raniej sud Bielhii prysudziŭ Łaŭnani da šaści hadoŭ turmy za ŭdzieł u dziejnaści supołki «Marakanskaj isłamskaj bajavoj hrupy» u Bielhii. U rašeńni suda adznačajecca, što hrupoŭka, u pracu jakoj byŭ uciahnuty padsudny, znachodzicca ŭ «čornym śpisie AAN» z 2002 hoda.
Ciapier čytajuć
Maŭrykij, Siejšeły, Šry-Łanka i nie tolki: pahladzieli, kudy źbiehli ad biełaruskich marazoŭ praŭładnyja artysty i viadučyja12
Kamientary