Instytut nacyjanalnaj pamiaci apublikavaŭ vyniki ekśpiertnaha analizu papki tajnaha supracoŭnika «Boleka», jakija paćviardžajuć supracoŭnictva Lecha Vałensy sa Słužbaj biaśpieki Polskaj Narodnaj Respubliki, paviedamlaje Radyjo Polšča.
Da takoj vysnovy pryjšli supracoŭniki Instytuta sudovaj ekśpiertyzy im. Jana Zina ŭ Krakavie. Jany ličać, što počyrk tajnaha ahienta «Boleka» całkam supadaje z počyrkam Lecha Vałensy.
Pa słovach staršyni Kamisii pa rasśledavańni złačynstvaŭ suprać polskaha naroda Instytuta nacyjanalnaj pamiaci prakurora Andžeja Pazorskaha, mierkavańnie ekśpiertaŭ źjaŭlajecca adnaznačnym.
«Vysnova sudovych ekśpiertaŭ śviedčyć ab tym, što abaviazacielstva ab supracoŭnictvie sa Słužbaj biaśpieki ad 21 śniežnia 1970 było całkam napisanaje Lecham Vałensam. 17 rukapisnych kvitancyj ab atrymańni hrošaj za pradastaŭleńnie supracoŭnikam Słužby biaśpieki infarmacyi byli padpisanyja Lecham Vałensam», — zajaviŭ prakuror.
Kvitancyi vydavalisia sa studzienia 1971 pa červień 1974 hoda. Ich ahulnaja suma skłała 11 700 złotych. Ekśpierty miarkujuć, što Lech Vałensa ŭ cełym napisaŭ i padpisaŭ 29 danosaŭ. Jašče 11 jon napisaŭ, ale nie padpisaŭ. U 6 z 11 vypadkaŭ podpis «Bolek» pastavili supracoŭniki śpiecsłužbaŭ. Adzin danos Lech Vałensa nie pisaŭ, ale padpisaŭ dakumient z kožnaha boku. I tolki adzin danos, jak paćvierdzili ekśpierty, nie byŭ ni napisany, ni padpisany pieršym lidaram «Salidarnaści».
Ekśpiertyza była praviedzienaja na asnovie dakumientaŭ, jakija byli vyjaŭlenyja ŭ domie hienierała Kiščaka paśla jaho śmierci.
Instytut nacyjanalnaj pamiaci inicyjavaŭ hrafałahičnuju ekśpiertyzu paśla taho, jak u krasaviku 2016 hoda Lech Vałensa abvierh sapraŭdnaść znojdzienych dakumientaŭ.
Sam Vałensa ŭ čarhovy raz nazvaŭ hetuju infarmacyju chłuśnioj.
Ciapier čytajuć
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»22
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi22
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi2
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2727
Kamientary