Alaksandr Łukašenka zaćvierdziŭ Dziaržaŭnuju prahramu inavacyjnaha raźvićcia Biełarusi na 2016-2020 hady. Kiraŭnik dziaržavy padpisaŭ adpaviedny ŭkaz, paviedamili ŭ pres-słužbie biełaruskaha lidara.
Metaj prahramy źjaŭlajecca zabieśpiačeńnie jakasnaha rostu i kankurentazdolnaści nacyjanalnaj ekanomiki z kancentracyjaj resursaŭ na farmiravańni jaje vysokatechnałahičnych siektaraŭ, jakija bazirujucca na vytvorčaściach V i VI technałahičnych układaŭ.
U prahramu ŭklučany 75 prajektaŭ pa stvareńni novych vytvorčaściej, jakija majuć vyznačalnaje značeńnie dla inavacyjnaha raźvićcia Biełarusi, u śfierach mašynabudavańnia, elektroniki, budaŭnictva, naftachimii, miedycyny i farmacyi, enierhietyki, transpartu, sielskaj haspadarki.
Realizacyja prahramy nakiravana na farmiravańnie i paskoranaje raźvićcio vysokatechnałahičnych siektaraŭ nacyjanalnaj ekanomiki, zamacavańnie pazicyj respubliki na rynkach navukajomistaj pradukcyi; zabieśpiačeńnie kankurentazdolnaści tradycyjnych siektaraŭ nacyjanalnaj ekanomiki na asnovie ich inavacyjnaha raźvićcia i ŭkaranieńnia pieradavych technałohij; farmiravańnie rynku navukova-techničnaj pradukcyi i spryjalnaha asiarodździa dla ažyćciaŭleńnia inavacyjnaj dziejnaści.
Ukazam praduhledžana mahčymaść štohadovaha papaŭnieńnia prahramy novymi prajektami pa ŭzhadnieńni z kiraŭnikom dziaržavy.
U vyniku vykanańnia prahramy da 2020 hoda płanujecca stvareńnie bolš jak 70 vysokadachodnych ekspartna aryjentavanych vytvorčaściej i amal 9 tys. novych rabočych miescaŭ.
Ciapier čytajuć
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii14
Kamientary