Vystupajučy ŭ subotu na 30-m źjeździe Libieralna-demakratyčnaj partyi Rasii, lidar partyi Uładzimir Žyrynoŭski asudziŭ palityku i paproki Alaksandra Łukašenki.
Žyrynoŭski, u pryvatnaści, paraŭnaŭ pavodziny prezidenta Biełarusi ź cialom z ruskaj prymaŭki, jakoje «dźviuch matak smokča», paviedamlaje rasijskaja «Parłamienckaja hazieta».
«Biełaruski kiraŭnik usio, što možna, vysmaktaŭ z Rasii, ale my ŭžo kažam: kolki ž možna. Što choča Łukašenka? Asobnuju dziaržavu, ale ceny niachaj buduć unutryrasijskimi. Ź jakoj nahody? Tady davajcie vy budziecie častkaj našaj dziaržavy. I voś siadzić: daj Rasija, daj Jeŭrasajuz. Jak dobra», — skazaŭ Žyrynoŭski.
Pry hetym jon dadaŭ, što Rasija zaŭsiody budzie padtrymlivać dobryja adnosiny da narodaŭ Biełarusi, Ukrainy, Kazachstana i ŭsioj Siaredniaj Azii.
Napiaredadni Alaksandr Łukašenka ŭ chodzie razmovy z žurnalistami ŭ Minsku zrabiŭ niekalki rezkich vykazvańniaŭ u dačynieńni da Rasii. U biełaruska-rasijskich adnosinach, pavodle jaho słoŭ, u apošni čas «situacyja raźvivajecca niavažna». Na dumku Łukašenki, ciapierašniaje abvastreńnie adnosin, vierahodna, źviazana z peŭnaj naściarohaj z rasijskaha boku, što «Łukašenka raźviarnuŭsia na Zachad» i «Biełaruś sychodzić».
Pavodziny Rasii ŭ naftahazavaj sprečcy ź Biełaruśsiu Łukašenka rasceńvaje jak ździek.
Biełaruski kiraŭnik taksama abvinavaciŭ kiraŭnika FSB RF u parušeńni miždziaržaŭnaha pahadnieńnia ab miažy i daručyŭ vyvučyć mahčymaść raspačać kryminalnuju spravu ŭ dačynieńni da kiraŭnika Raśsielhasnahladu Siarhieja Dankvierta za naniasieńnie škody Biełarusi.
Alimpijski čempijon Aramnaŭ: Nam vyhadnaja praciahłaja vajna, i Vova dy Saša ŭ joj pieramohuć14
Kamientary