Kamanda Biełarusi daterminova abyhrała Hałandyju i ŭpieršyniu ŭ historyi vyjšła ŭ paŭfinał Kubka Fiederacyi. Čverćfinalnaje supraćstajańnie tenisistak prachodzić 11—12 lutaha ŭ «Čyžoŭka-Arenie» ŭ Minsku.
U startavym pajadynku druhoha dnia 12 lutaha pieršaja rakietka biełaruskaj kamandy Alaksandra Sasnovič (№ 128 u rejtynhu WTA) uziała vierch nad pieršym numaram zbornaj Hałandyi Kiki Biertens (№ 24) — 6:3, 6 4. Sustreča praciahvałasia 1 hadzinu 23 chviliny.
Pieramožnuju kropku pastaviła Aryna Sabalenka, što abyhrała Michaełu Krajček — 7:6, 6:4.
Za biełaruskuju zbornuju taksama vystupali Volha Havarcova i Viera Łapko (u pary).
Za pajadynkam z trybun naziraŭ Alaksandr Łukašenka ŭ kampanii hałoŭnaha treniera chakiejnaj minskaj kamandy «Junactva» Michaiła Zacharava. Pierad hulnioj Łukašenka sustreŭsia ź biełaruskimi tenisistkami, pieradaje BiełTA.
«Ja, viadoma, nie pryjšoŭ vas vučyć. Prosta ja pryjšoŭ, kab vy nie pieražyvali. Nie chaču skazać, što vyjšli na placoŭku i ŭsio zabylisia. Heta niemahčyma dla spartsmienaŭ. Vy ž učora hulali, chvalavańnia ŭžo być nie pavinna», — kazaŭ kiraŭnik dziaržavy.
Ciapier čytajuć
U Kijevie za špijanaž aryštavali biełaruskuju žurnalistku Inu Kardaš. Kažuć, z 2015 hoda jana pracavała na KDB20
Kamientary