U biełaruskaj pavietranaj prastory ŭ 3 km ad dziaržaŭnaj miažy ź Litvoj smarhonskija pamiežniki zaŭvažyli latalny aparat typu kvadrakoptar, jaki zapuskaŭsia biez adpaviednaha dazvołu, paviedamili ŭ Dziaržpahrankamitecie.
U rajonie nasielenaha punkta Žarneli byŭ zatrymany 22-hadovy hramadzianin Litvy z pultam kiravańnia ad latalnaha aparata. Małady čałaviek — student adnoj sa staličnych VNU Biełarusi, pryjechaŭ da svajakoŭ, a zaadno vyrašyŭ vyprabavać novieńkuju avijamadel.
Ab uvozie latalnaha aparata ŭ pamiežnuju zonu i svaich płanach zavajavać pavietranuju prastoru małady čałaviek nikoha nie prainfarmavaŭ. A zhodna z zakanadaŭstvam ab pačatku i zakančeńni vykarystańnia (ŭtrymańnia) u pamiežnaj zonie latalnych aparataŭ masaj bolš za 1 kh pavinny być apavieščanyja supracoŭniki pamiežnaj słužby.
Dziejańni zamiežnika kvalifikavanyja pa art. 23.30 (parušeńnie pahraničnaha režymu) KoAP Biełarusi. Maładomu čałavieku pahražaje nakładańnie štrafu ŭ pamiery da 20 BV (bazavaja vieličynia ciapier składaje 23 rubli) z departacyjaj abo bieź jaje. Latalny aparat kanfiskavany dla praviadzieńnia adpaviednych ekśpiertyz.
U viedamstvie nahadali, što ŭ pamiežnaj pałasie paloty avijamadelaŭ i zabaronienyja. Što tyčycca pamiežnaj zony, tut ekspłuatacyja i prymianieńnie latalnych aparataŭ mahčymaja, ale tolki paśla paviedamleńnia słužbovym asobam.
Ciapier čytajuć
Što viadoma pra byłoha palitviaźnia Sakałoŭskaha, jaki pamior u Bierlinie ŭ 47 hadoŭ1
Kamientary