Upieršyniu ŭ historyi brytanskaj stalicy łondanskuju palicyju ŭznačaliła žančyna. Kresida Dzik stała kiraŭnikom Słužby staličnaj palicyi, źmianiŭšy na hetaj pasadzie sera Biernarda Chohan-Chou, piša VVS.
Pa słovach Kresidy Dzik, jana nadzvyčaj rada znoŭ viarnucca ŭ Skotłand-Jard.
«Heta vielmi vialikaja adkaznaść i vydatnyja mahčymaści. Ja ź nieciarplivaściu čakaju mahčymaści abaraniać žycharoŭ stalicy i słužyć im», — havorycca ŭ jaje zajavie.
Zarpłata kiraŭnika łondanskaj palicyi składzie bolš za 270 tysiač funtaŭ u hod (kala 335 tysiač dalaraŭ), biez uliku premij.
Raniej Dzik była kiraŭnikom nacyjanalnaj kontrterarystyčnaj słužby. U 2014 hodzie jana pakinuła pracu ŭ staličnaj palicyi paśla 31 hoda słužby i pierajšła na pasadu ŭ ministerstva zamiežnych spraŭ.
Na pasadzie kiraŭnika kontrterarystyčnaj słužby Dzik prymała šerah važnych rašeńniaŭ pa zabieśpiačeńni biaśpieki padčas praviadzieńnia Alimpijady-2012 u Łondanie.
Kamientary