Nočču 25 lutaha na cukrovym kambinacie ŭ Skidzieli adbyŭsia vybuch pyłapavietranaj sumiesi. Piać rabotnikaŭ kambinata atrymali apioki i špitalizavany. Zaviedzienaja kryminalnaja sprava. Pra heta paviedamlajuć SK i MNS.
Paviedamleńnie pra incydent pastupiła vyratavalnikam kala hadziny nočy. Uspyška pyłapavietranaj sumiesi biez nastupnaha hareńnia adbyłasia ŭ halerei, jakaja złučaje cech upakoŭki i fasoŭki cukru i liftavuju viežu.
U vyniku zdareńnia piać žančyn — pracaŭnic pradpryjemstva, va ŭzroście 42-54 hadoŭ, z apiokami roznaj stupieni ciažkaści byli špitalizavany ŭ reanimacyjnaje adździaleńnie balnicy.
Vybuch pyłapavietranaj sumiesi častkova defarmavaŭ ścieny cecha, paškodziŭ vokny i dźviarnyja prajomy. Na pradpryjemstvie časova prypynieny technałahičny praces cecha ŭpakoŭki i fasoŭki.
Śledčy kamitet pačaŭ kryminalnuju spravu pa fakcie słužbovaj niadbajnaści na AAT «Skidzielski cukrovy kambinat», jakaja pryviała da pa nieaściarožnaści ciažkija nastupstvy (art. 428 Kryminalnaha kodeksa Biełarusi). Sankcyi pa hetym artykule praduhledžvajuć da 5 hadoŭ pazbaŭleńnia voli.
Ajcišnika z «Varhiejminha» sudzili pa rasstrelnym artykule. Padobna, za padtrymku Ukrainy — praŭda, zrabić jon ničoha nie paśpieŭ4
Kamientary