Kab dziaržava mahła vykonvać uziatyja na siabie sacyjalnyja harantyi, kožny čałaviek pavinien udzielničać u finansavańni dziaržvydatkaŭ. Pra heta zajaviła siońnia žurnalistam kiraŭnik Administracyi prezidenta Biełarusi Natalla Kačanava, pieradaje BIEŁTA.
«Dla taho kab vykonvalisia tyja sacyjalnyja harantyi, jakija ŭziało na siabie dziaržava, viadoma, my razumiejem, što kožny čałaviek pavinien pracavać i ŭdzielničać u finansavańni hetych vydatkaŭ», — adznačyła Kačanava.
Kiraŭnik Administracyi prezidenta raspaviała, što adno z pytańniaŭ, jakoje razhladałasia na siońniašniaj naradzie ŭ kiraŭnika dziaržavy, datyčyłasia realizacyi dekreta №3 «Ab papiaredžańni sacyjalnaha ŭtrymanstva». Była źviernutaja ŭvaha na dapuščanyja praliki ŭ hetaj rabocie.
«Pierš za ŭsio tut nie spracavali kiraŭniki miascovych orhanaŭ ułady, jakija pavinny byli pravieści vyraznuju tłumačalnuju pracu ź ludźmi», — patłumačyła jana.
Akramia taho, realizacyja dekreta lehła na plečy padatkovych orhanaŭ, što było niasłušnym. Tamu paviedamleńni ab nieabchodnaści vypłacić zbor na finansavańnie dziaržvydatkaŭ časam atrymlivali ludzi, ź jakich jon i nie pavinien byŭ spahaniacca. Paśla dbajnaha analizu situacyi ŭ rehijonach było pryniataje rašeńnie, što hetaj pracaj zojmucca miascovyja orhany ŭłady.
«Zadačy pastaŭlenyja niaprostyja. Siońnia treba adpracavać kožnaje paviedamleńnie, jakoje pastupiła. Vyłučyć tych ludziej, jakija pavinny płacić hety zbor. Pryčym płacić jaho pavinny tyja, chto sapraŭdy nie pracuje. Dadzieny dekret — nie finansavy i ekanamičny dakumient, a sacyjalny. Ludzi pavinny ŭdzielničać u finansavańni dziaržaŭnych raschodaŭ. I tamu staić zadača pierš za ŭsio vyznačyć tych ludziej, jakija pavinny i mohuć pracavać», — adznačyła Kačanava.
Jana dadała, što tyja ludzi, jakija pa abjektyŭnych pryčynach pracavać nie mohuć, a, adpaviedna, i nie pavinny vypłačvać zbor, užo vyznačanyja dekretam. Adnak płanujecca pašyryć hety pieralik katehoryj hramadzian. Pry hetym vypłata zboru na hod prypyniajecca.
«2017 hod tolki pačynajecca, i ludzi majuć mahčymaść sami vyznačyć, ci buduć jany pracavać i nie płacić hety zbor abo nie pracavać i ŭdzielničać u finansavańni dziaržaŭnych raschodaŭ, — padkreśliła kiraŭnik Administracyi prezidenta. — Tym ludziam, jakija ŭžo zapłacili zbor, kali jany pracaŭładkavanyja i buduć pracavać, padatkovyja orhany buduć abaviazanyja viarnuć hetuju sumu».
Usie hrošy, jakija buduć pastupać u biudžety rajonaŭ i haradoŭ pry realizacyi norm dekreta №3, buduć nakiroŭvacca na padtrymku dziaciej u roznych śfierach.
Natalla Kačanava źviarnuła ŭvahu, što kiraŭniki haradoŭ i rajonaŭ padtrymlivajuć dadzieny pravavy akt. «Jany kažuć, što narešcie daviedalisia pra realnuju karcinu, čym zajmajucca ludzi. Jość šerah hramadzian, jakija prosta nikoli nie pracavali i pracavać nie chočuć, tyja, jakija viaduć asacyjalny ład žyćcia. I takich niamała», — skazała jana.
Razam z tym analiz realizacyi dekreta pakazaŭ, što jość rehijony, dzie majucca prablemy z pracaŭładkavańniem. Tamu pastaŭlenaja zadača maksimalna akazvać dapamohu ludziam pry pošuku pracy.
Ciapier čytajuć
Aryštavali byłoha pamočnika Michaiła Miaśnikoviča10
Aryštavali byłoha pamočnika Michaiła Miaśnikoviča
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary