Biestsieleram №1 na «Amazonie» stała kniha biez tekstu
Biestsieleram na Amazon.com u piatnicu stała kniha «Pryčyny hałasavać za Demakratyčnuju partyju ZŠA. Vyčarpalny daviednik» amierykanskaha historyka i žurnalista Majkła Noŭłza.
Samaje cikavaje ŭ hetaj knizie toje, što jana absalutna pustaja, kali nie ličyć biblijahrafii, usie jaje 266 staronak absalutna biełyja.
Vydańnie kaštuje $8,03 i rekłamujecca jak «najbolš padrabiazny analiz i samy poŭny nabor arhumientaŭ za Demakratyčnuju partyju na hety čas».
Aŭtar knihi — žurnalist kansiervatyŭnaha sajta Daily Wire, vypusknik histaryčnaha fakulteta Jelskaha ŭniviersiteta.
Coming soon to Amazon #WorldBookDay pic.twitter.com/I7hOtksxcv
Vydańnie, vidavočnaja meta jakoha — trolinh palityčnych apanientaŭ, sabrała amal 1500 vodhukaŭ na Amazon.com, kala 85% jakich — iranična-pazityŭnyja.
- «Ja atrymaŭ asałodu ad hetaj knihi i rekamienduju jaje dla adukacyi kožnaha patencyjalnaha vybarcy. Nie bačyŭ ničoha paraŭnalnaha»;
- «Dobraja kniha, ale ja čakaju aŭdyjaviersiju»;
- «Infarmatyŭnaja, zachaplalnaja i kreatyŭnaja. Rekamienduju ŭsioj siamji i siabram»,
— takija i inšyja kamientary pakidajuć karystalniki, jakija sapraŭdy kupili vydańnie na sajcie.
Aŭtar padzialiŭ vydańnie na hłavy «Ekanomika», «Pravy čałavieka», «Źniešniaja palityka» i inšyja, ale ŭ teleefiry pryznaŭsia, što choć šmat čytaŭ pa temie, ale nie zmoh znajści anivodnaj pryčyny hałasavać za Dempartyju ZŠA.
Vosieńniu anałahičnuju pustuju knihu vypuścili apanienty kansiervataraŭ — jana nazyvałasia «Čamu Tramp zasłuhoŭvaje davieru, pavahi i zachapleńnia». Adnak, jak piša nypost.com, jana nie padniałasia vyšej za 536 miesca ŭ śpisie biestsieleraŭ «Amazona».
Ciapier čytajuć
«Dla biełaruskich uładaŭ ja, chutčej, mahčymaść, a nie pahroza». Kaleśnikava dała vialikaje intervju Zołatavaj77
Kamientary