«Kali Aršanski RAUS zvodzić rachunki z maładoj dziaŭčynaj — heta prykmieta mocnaj dziaržavy?»
Ihar Iljaš, muž žurnalistki Kaciaryny Andrejevaj, zatrymanaj u Oršy, raskazaŭ, jak sprabavaŭ addać pieradaču dla jaje ŭ Aršanskim RAUS.
Nu voś, kali ŭ mianie vyčarpaŭsia ŭnutrany patok maciukoŭ i abrazaŭ, mahu raspavieści, jak ja pravioŭ hetuju noč u Aršanskim RAUS.
Nu da momantu, kali moj ciahnik dasiahnuŭ Oršy, mianie ŭsie, chto tolki moh, prainstruktavali: budź ź miantami vietlivy, nie psichuj. Nu OK, kali łaska. Meta — damahčysia jak minimum pieradački, jak maksimum — spatkańnia. Prychodžu ŭ RAUS. Raspłyvajusia ŭ halivudskaj uśmiešcy. Damaŭlajusia z opieram, jaki składaŭ pratakoł: kaža, ja nie suprać, uzhadniajecca ŭ IČU. Telefanuju ŭ IČU, pierakonvaju: kažuć, my nie suprać, kali pahodzicca adkazny dziažurny ŭ RAUS.
Čakaju hałoŭnaha ŭ RAUS cełuju hadzinu. Narešcie pierachoplivaju.
— Kaciaryna Andrejeva? — sa złościu pierapytvaje aficer. — A ja asabista bačyŭ, jak jana zaminała pracy AMAPu, jak zdymała ŭsich…
Z hetymi słovami milicejski načalnik Siarhiej Anatoljevič Aniščanka (spadziajusia, nie pamylajusia ŭ źviestkach) dastaje svoj telefon i tykaje mnie im u tvar:
— Nu što, vam pryjemna? Pryjemna, pryjemna? …Viedajecie, inšym b my dazvolili, a voś joj — nie. Ni za što. Heta naš joj adkaz.
P.S. Kali Aršanski RAUS zvodzić rachunki z maładoj dziaŭčynaj — heta, ja liču, sapraŭdy prykmieta mocnaj dziaržavy.
-
«Mnie kazali: ty havoryš jak kanadski emihrant». Siarhiej Šupa raskazaŭ pra Vilniu 90-ch, paraŭnańnie litoŭskaj litaratury ź biełaruskaj i adroźnieńni pamiž narodami
-
Łukašenka pavodzić siabie ŭ «makdonaldsie» jak u savieckaj stałoŭcy. I dumaje, što heta kruta
-
Pucin užo pavinšavaŭ Madžtabu Chamieniei, a Łukašenka nie. Čaho čakaje?
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju18
Kamientary