Błohieru-«darmajedu» Maksimu Filipoviču spačatku prysudzili 13 sutak zavočna, i tolki potym jaho zatrymaŭ AMAP
Uviečary Maksima zatrymali.
Hetuju infarmacyju Radyjo Svaboda paćvierdziŭ homielski pravaabaronca Leanid Sudalenka. U sudzie Centralnaha rajona Homiela 13 sakavika byli asudžanyja Viktar Rubcoŭ i Maksim Filipovič. Ich abvinavačvali va ŭdziele ŭ akcyi pratestu suprać dekreta № 3, jaki adbyŭsia ŭ Homieli 19 lutaha.
Viktar Rubcoŭ atrymaŭ 14 sutak aryštu.
Maksim Filipovič — 13 sutak. Jaho samoha na sudzie nie było. Suviazi ź im niama. 11 sakavika padčas akcyi pratestu ŭ Pinsku Maksima Filipoviča sprabavali zatrymać ludzi ŭ cyvilnym.
Uviečary 13 sakavika jon vyjšaŭ na suviaź, paviedamiŭšy, što ŭ vioscy jaho baćkoŭ (v. Karanioŭka, vuł. Lasnaja, Homielski rajon) dziažurać «cichary».
Filipoviča zatrymali 13 sakavika kala 21.00. Jon znachodziŭsia ŭ vioscy Karanioŭka Homielskaha rajona. Mužčynu zatrymlivali supracoŭniki AMAPa, jaho dastaviać u SIZA na vuł. Mižharodniaja, raspavioŭ TUT.BY pravavy inśpiektar niezaležnaha prafsajuzu REP Leanid Sudalenka. U bližejšy čas płanujecca arhanizavać vizit advakata.
Razhlad anałahičnych pratakołaŭ u dačynieńni da jašče niekalkich homielskich aktyvistaŭ płanujecca 17 sakavika.
11 sakavika Filipovič zdymaŭ akcyju pratestu ŭ Pinsku (Bresckaja vobłaść). Błohiera sprabavali zatrymać nieviadomyja, ale za jaho zastupilisia ŭdzielniki mierapryjemstva.
33-hadovy błohier z Homiela Maksim Filipovič staŭ viadomy paśla aktyŭnaha asudžeńnia «darmajedskaha» dekreta № 3, achviaraj jakoha staŭ jon sam
Ciapier čytajuć
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary