U vyniku chatnich rodaŭ, jakija adbylisia ŭ kvatery ŭ Viciebsku, pamierła dziaŭčynka-niemaŭla. Haradski adździeł Śledčaha kamiteta raspačaŭ kryminalnuju spravu ŭ dačynieńni da maci dziciaci.
Paradzicha ź siamjoj - mužam i dačkoj - žyvie ŭ Sankt-Pieciarburhu. U Viciebsku pražyvaje jaje maci. Da jaje i pryjechała ŭ lutym hetaha hoda žančyna, kab naradzić u jaje kvatery druhoje dzicia. Dziaŭčynka nahłytalisia kalapłodnych vodaŭ i pačała zadychacca.
Maci spačatku sama akazvała dapamohu dačce, potym pryjechała chutkaja. Novanarodžanuju advieźli ŭ balnicu, ale praź dźvie hadziny paśla naradžeńnia jana pamierła.
U listapadzie 2016 hoda žančyna źviartałasia ŭ kansultacyju abłasnoj radzilni. Paviedamiła miedykam, što naradžać budzie ŭ Biełarusi. Ale zrobić heta ŭ chatnich umovach. Lekary papiaredžvali budučuju maci ab ryzycy dla jaje samoj i małoha, ale jana ich nie pasłuchała.
Darečy, pieršaje dzicia žančyna taksama naradziła ŭ chatniaj abstanoŭcy. U žanočaj kansultacyi jana tady nie nazirałasia.
Raspačataja kryminalnaja sprava pa č. 1 art. 144 KK (Pryčynieńnie śmierci pa nieaściarožnaści).
Kamientary