Na hetym tydni viasna ŭmacuje svaje pazicyi. U paraŭnańni ź minułymi vychodnymi tempieraturny fon pavysicca, i choć u asobnyja nočy jašče budzie padmarožvać, dniom pavietra budzie prahravacca. Ale biez daždžoŭ nie abydziecca.
Pra nadvorje na tydzień TUT.BY raspaviała namieśnik načalnika słužby mietearałahičnych prahnozaŭ Śviatłana Rybakova.
U aŭtorak, 21 sakavika, pad upłyvam atmaśfiernych frantoŭ, jakija źmiaščajucca z Zachodniaj Jeŭropy, nočču pa zachadzie, ranicaj i dniom na bolšaj častcy terytoryi respubliki projduć apadki, u asnoŭnym u vyhladzie daždžu. Nočču i ranicaj u asobnych rajonach, pieravažna pa ŭschodzie krainy, mahčymy tuman i słaby hałalod, na asobnych učastkach daroh hałalodzica. Tempieratura pavietra minimalnaja nočču składzie ad -3°S pa ŭschodzie da +4°S pa zachadzie krainy; maksimalnaja tempieratura dniom +5 — +11°S, pa paŭdniovym zachadzie respubliki pavietra prahrejecca da +12 — +15°S.
U sieradu, 22 sakavika, nočču pieravažna ŭ zachodnich i ŭschodnich rajonach krainy, dniom pad upłyvam čarhovaj sistemy frantalnych raździełaŭ na bolšaj častcy terytoryi čakajucca karotkačasovyja daždžy. Nočču i ranicaj miescami mahčymy słaby tuman. Tempieratura pavietra minimalnaja nočču nie apuścicca nižej +1 — +6°S, maksimalnaja dniom +3 +10°S, pa paŭdniovym uschodzie krainy pavietra prahrejecca da +11 — +17°S.
U čaćvier, 23 sakavika, nočču pieravažna pa paŭdniova-ŭschodniaj pałovie krainy karotkačasovyja daždžy, dniom u asnoŭnym biez apadkaŭ, tolki ŭ u paŭdniovych i zachodnich rajonach mahčymy karotkačasovyja daždžy. Tempieratura pavietra minimalnaja nočču -3 — + 3°S, pa paŭdniovym uschodzie da + 6°S; maksimalnaja dniom +7 — +12°S, pa poŭdni da + 14°S.
U piatnicu, 24 sakavika, čarhovaja sistema frantalnych raździełaŭ abumović nočču i ranicaj na bolšaj častcy terytoryi, dniom u asobnych rajonach karotkačasovyja daždžy. Nočču i ranicaj mahčymy słaby tuman. Tempieratura pavietra minimalnaja nočču 0 — +6°S, maksimalnaja dniom +7 — +14°S.
Ciapier čytajuć
Minski školnik praspaŭ prypynak. Ale kiroŭca aŭtobusa davioz jaho dadomu!3
Minski školnik praspaŭ prypynak. Ale kiroŭca aŭtobusa davioz jaho dadomu!
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku2424
Kamientary