U bližejšy čas va ŭročyščy Kurapaty stvorać miemaryjalny kompleks. Pra heta Alaksandr Łukašenka zajaviŭ u čas razmovy z pracoŭnym kalektyvam ZTAA «Arvibiełahra».
«Ja daručyŭ stvaryć akuratny, nie hihancki (nie Bresckuju krepaść) miemaryjał. Ciapier idzie konkurs. My zrobim hety miemaryjał, moža, niešta nakštałt nievialikaj kaplicy», — raspavioŭ Alaksandr Łukašenka.
Razam z tym kiraŭnik dziaržavy padkreśliŭ, što niedapuščalna vykarystoŭvać dadzienuju temu ŭ palityčnych metach. «Čaho topčamsia pa kaściach, i robim na hetym palityku?» — zadaŭ jon rytaryčnaje pytańnie.
Kiraŭnik krainy zakranuŭ niadaŭnija padziei, źviazanyja sa skandałam z-za budaŭnictva ŭ Kurapatach biźnies-centra. Pavodle jaho słoŭ, hetaje pytańnie było štučna raskručana. «Heta nijakaha dačynieńnia da Kurapataŭ nie mieła. Ale heta palityčna pačynajuć raskručvać. Vy voś u Hrodnie žyviacie i dumajecie: što heta za ŭłada, na mohiłkach dali biźniesmienu ziamlu. Heta ž dla taho, kab vam pakazać «šalonuju ŭładu» ŭ Minsku. A na samoj spravie heta zusim było nie tak. Ja nikoli nie dazvoliŭ by (tym bolš kožny raz jezdžu na pracu mima Kurapataŭ) niešta budavać na hetych ziemlach «, - padkreśliŭ jon.
«Tam budzie miemaryjał. Heta budzie ahulnaje miesca pakłanieńnia ludziam, jakija tam zahinuli», - skazaŭ Alaksandr Łukašenka.
Ciapier čytajuć
Niaklajeŭ apublikavaŭ złabadzionny vierš. U im zhadvajecca i Kaleśnikava z Babarykam, i Cichanoŭskaja, i Prakopjeŭ z Paźniakom13
Niaklajeŭ apublikavaŭ złabadzionny vierš. U im zhadvajecca i Kaleśnikava z Babarykam, i Cichanoŭskaja, i Prakopjeŭ z Paźniakom
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1919
Kamientary