Sud Čyhunačnaha rajona razhledzieŭ administracyjnyja pratakoły, składzienyja ŭ dačynieńni da błohiera Arcioma Šaparova i aktyvista AHP Mikałaja Piaško, paviedamlaje Tut.by.
Ich abvinavačvali ŭ raspaŭsiudzie infarmacyi ab majučym adbycca ŭ Homieli «Maršy niedarmajedaŭ», što padpadaje pad artykuł 23.34 KaAPp (parušeńnie paradku praviadzieńnia masavaha mierapryjemstva).
Sudździa Jarasłaŭ Parenski pakaraŭ błohiera za repost u Facebook paviedamleńniaŭ ab maršy aryštam na vosiem sutak.
— Maja vina ŭ sudzie nie była dakazanaja, usie maje chadajnictvy byli adchilenyja. Sud vynies rašeńnie nieabhruntavana, — prakamientavaŭ prysud Arciom Šaparoŭ.
Na siem sutak aryštu adpraŭleny Mikałaj Piaško — rašeńnie pryniaŭ sudździa Alaksiej Chłaščankoŭ za zakliki i repost infarmacyi ŭ sacsietkach ab majučym adbycca maršy. Piaško zajaviŭ u sudzie, što dadzienaje rašeńnie — represiŭnaje i ludzi majuć prava na mirny schod.
— Ja nie rab i nie mahu dazvolić, kab z maich siabroŭ i svajakoŭ rabili raboŭ, — padkreśliŭ aktyvist AHP.
Stała taksama viadoma, što 24 sakavika sud Savieckaha rajona Homiela aryštavaŭ na troje sutak pravaabaronca, siabra BCHK Alesia Jaŭsiejenku. Ranicaj jon nakiroŭvaŭsia na sud nad zatrymanymi aktyvistami i źnik. Paźniej akazałasia, što jaho zatrymaŭ AMAP kala doma. Jaŭsiejenku inkryminavali drobnaje chulihanstva i niepadparadkavańnie supracoŭnikam milicyi.
Minsk siońnia viečaram pahruziŭsia ŭ ciemru. Paśla zahadu Łukašenki51
Minsk siońnia viečaram pahruziŭsia ŭ ciemru. Paśla zahadu Łukašenki
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary