Łukašenka vyrašyŭ nie pałochać čaćviertym terminam
Čałaviek, što zajmaje najvyšejšuju pasadu voś užo 14 hadoŭ, zrabiŭ 2 žniŭnia ŭ Homieli niečakanuju zajavu. «Užo jość šmat dobrych addanych ludziej, jakija mohuć być prezydentami», — raptam zajaviŭ toj, chto dasiul nie vykazvaŭ namieraŭ dzialicca z kimści choć kalivam ułady, a tym bolej sastupać jaje ŭvohule. Piša ŭ svaim błohu Alaksandar Kłaskoŭski.
2 žniŭnia hamielčuki zapytali ŭ Alaksandra Łukašenki, ci pojdzie jon na čarhovy termin. «Nie jašče, — nibyta adžartavaŭsia toj. — Nie pałochajcie apazycyju».
A dalej prahučała niečakanaje. «Užo jość šmat dobrych addanych ludziej, jakija mohuć być prezydentami», — raptam zajaviŭ čałaviek, jaki zajmaje najvyšejšuju pasadu až 14 hadoŭ. Dasiul jon nie vykazvaŭ namieraŭ dzialicca z kimści choć kalivam ułady, a tym bolej sastupać jaje ŭvohule. Ciapier ža zaŭvažyŭ, što «heta nia tyja časy» (treba razumieć — kali nie było kamu pieradać lejcy).
Admietna, što jašče paru miesiacaŭ tamu, adkazvajučy na toje ž pytańnie, Łukašenka dasłaŭ vyrazny mesydž jak apazycyi, tak i Zachadu (u abliččy karespandenta Rojterz): «Raźličvajcie na horšaje» (analah repliki «Nie dačakajeciesia!» ź viadomaha anekdotu).
Kaniečnie, i zaraz nia śled śpiašacca z sensacyjnymi vysnovami. Mahčyma, siońniašniaja zajava — heta prosta žadańnie padkreślić u vačoch prostaha ludu ścipłaść pravadyra. Ale nia vyklučana, što za hetyja paru miesiacaŭ značna ŭzmacnilisia niejkija vonkavyja čyńniki cisku. Pra ich, zrešty, nia tak užo ciažka zdahadacca. Možna budavać versii i nakont mahčymych persanalijaŭ ź liku «dobrych addanych ludziej». Zhadajma, naprykład, kadravyja źmieny paśla vybuchu la steły.
Zrazumieła, što imaviernaja aperacyja «Pierajemnik» budzie raspracoŭvacca jak całkam kiravanaja. Ale źmiena fihury na samym viersie sama pa sabie stvaraje jakasna novuju sytuacyju ŭ krainie.
Zrešty, palityčny ahladalnik Paŭluk Bykoŭski miarkuje, što siońniašniaja demanstracyja ścipłaści tłumačycca, badaj, adno što žadańniem zrabić stanoŭčaje ŭražańnie na Zachad, kab spryjać lehitymacyi vosieńskich vybaraŭ u Pałatu. Uvohule ž, na dumku eksperta, nastroj dziejnaha kiraŭnika dziaržavy — «kiravać, kolki budzie mocy».
Ciapier čytajuć
Babaryka zajaviŭ pra viartańnie ŭ palityku i nazvaŭ vinavataha ŭ tym, što źmieny nie adbylisia ŭ 2020-m28
Babaryka zajaviŭ pra viartańnie ŭ palityku i nazvaŭ vinavataha ŭ tym, što źmieny nie adbylisia ŭ 2020-m
Dzieci źlizvali z brudnaj padłohi pralitaje małako. Jakoj pabačyŭ zamiežnik Biełaruś, spustošanuju rasijskimi i šviedskimi vojskami ŭ čas Paŭnočnaj vajny1212
Kamientary