Z 1 krasavika piensijaniery i invalidy zmohuć handlavać na minskich rynkach biaspłatna
Handlovyja miescy na rynkach Minska dla piensijanieraŭ i invalidaŭ buduć pradastaŭlać biaspłatna, paviedamili BIEŁTA va ŭpraŭleńni handlu i pasłuh Minharvykankama.
Adpaviednaje pahadnieńnie zaklučanaje pamiž haradskim vykanaŭčym kamitetam i kiraŭnikami rynkaŭ. Biez apłaty možna realizoŭvać da 20 kh sielskahaspadarčaj pradukcyi, vyraščanaj na ziamielnym učastku, pradastaŭlenym dla viadzieńnia asabistaj padsobnaj haspadarki, sadoŭnictva, aharodnictva.
Biaspłatnyja handlovyja miescy dajucca z 1 krasavika da 1 śniežnia na nastupnych abjektach: «Handlovyja rady» (pr. Partyzanski, 99); «Čyžoŭski rynak» (pr-d Taškiencki, 5a); «Śviełta» (vuł. Malinina, 35a); «Sierabranka» (vuł. Plachanava, 89); «Viełazavodski» (zav. Rabočy, 5); «Maskoŭski» (pr. haz. Źviazda, 16); «Malinaŭka» (vuł. Jasienina, 76); «Uralski» (vuł. Frolikava, 8); «Uručča-3» (vuł. Nikifarava, 51); «Uschod» (vuł. Słavinskaha, 45a); KTUP «Minski Kamaroŭski rynak» (vuł. V. Charužaj, 8); «Rakaŭski kirmaš» (vuł. D. Marcinkieviča, 11); «Zachodni» (vuł. Burdejnaha, 6); TAA «Handlovy dom «Ždanovičy» (vuł. Cimirazieva, 123).
Prava na lhotu pavinna paćviardžacca dakumientami — paśviedčańniem i daviedkaj ab tym, što realizujemaja pradukcyja vyrablenaja fizičnaj asobaj i (ci) asobami, jakija znachodziacca ź im u adnosinach blizkaha svajactva, na ziamielnym učastku, što znachodzicca na terytoryi Biełarusi, pradastaŭlenym dla budaŭnictva i absłuhoŭvańnia žyłoha doma, viadzieńnia asabistaj padsobnaj haspadarki, kalektyŭnaha sadavodstva, dačnaha budaŭnictva, aharodnictva.
Ciapier čytajuć
Na Šry-Łancy ŭ 37 hadoŭ pamior biełaruski kinapradziusar Andrej Matałyha2
Kamientary