Achoŭnik Akreścina skazaŭ chłopcu, što toj zabyŭ u kamiery kurtku. A kali jon viarnuŭsia pa reč, pajechaŭ na čarhovyja sutki
Pa ŭsioj krainie z sutak pačali vychodzić ludzi, ale niekatorych znoŭ sadžajuć za kraty.
10 sakavika ŭ sudzie Pieršamajskaha rajona byŭ abvieščany prysud pa tak zvanaj spravie antyfašystaŭ.
Padčas ahučvańnia prysudu niekalki aktyvistaŭ pačali vykrykvać «Hańba!» u znak niazhody z rašeńniem sudździ. Pry hetym Źmicier Palijenka byŭ zatrymany.
Źmicier Palijenka byŭ asudžany na sutki. Praz paru dzion paśla vyzvaleńnia aktyvist prynios pieradaču siabru. Achoŭnik skazaŭ chłopcu, što toj zabyŭ u kamiery kurtku i prapanavaŭ zajści pa reč. Nazad Palijenku ŭžo nie vypuścili. Z kamiery jon pajechaŭ adrazu na novy sud, dzie atrymaŭ novyja sutki za ŭdzieł u akcyi pa abaronie Kurapat.
Heta nie adziny vypadak, kali aktyvistam davali paŭtornyja sutki. Viadoma pra Jaŭhiena Žuraŭskaha, jaki adsiadzieŭ 12 sutak paśla taho jak sieŭ u znakamity 37-y tralejbus. Jon znoŭ atrymaŭ 5 sutak za ŭdzieł u akcyi, jakaja była ŭ lutym.
30 sakavika pavinien byŭ vyjści na volu Pavieł Siarhiej. Chłopiec doŭhi čas adsutničaŭ u krainie, pa pryjeździe na radzimu atrymaŭ 7 sutak za akcyju, na jakoj jon nie byŭ. Chłopca zatrymlivali pry dapamozie dvuch pažarnych kranaŭ dy ratavalnikaŭ. Pa skančeńni aryštu aktyvista adrazu pavieźli ŭ sud i asudzili jašče na 5 sutak za niepadparadkavańnie milicyi.
Ciapier čytajuć
«Niejkaja Liza, jakoj 20 hadoŭ, sudzicca z Łukašenkam» — vialikaja hutarka z novaj vice-śpikierkaj KR Lizavietaj Prakopčyk13
Kamientary