Žycharka Baranavičaŭ padšafe zabłakavała dźviery BMW i lehła spać na vačach u inśpiektaraŭ, paviedamili va ŭpraŭleńni Dziaržaŭtainśpiekcyi UUS Bresckaha abłvykankama.
Kurjozny vypadak adbyŭsia siońnia nočču. Supracoŭniki DAI, jakija ažyćciaŭlali nahlad za biaśpiekaj darožnaha ruchu, źviarnuli ŭvahu na aŭtamabil VMW Ch5, kiroŭca jakoha demanstravaŭ dziŭnuju manieru jazdy. Inśpiektar padaŭ kiroŭcu patrabavańnie ab spynieńni, jakoje toj adrazu ž vykanaŭ. Padyšoŭšy da aŭtamabilu, inśpiektar žestam paprasiŭ adkryć fortku, kab ažyćciavić pravierku dakumientaŭ. Zamiest hetaha žančyna-kiroŭca zabłakavała dźviery aŭtamabila i pierasieła na piaredniaje pasažyrskaje siadzieńnie. Zatym jana apuściła śpinku siadzieńnia i, uładkavaŭšysia zručniej, lehła spać. Usie nastupnyja prośby adkryć dźviery žančyna ihnaravała.
Praź niekatory čas inśpiektary ŭ prysutnaści paniatych raźbili fortku kiroŭcy i adkryli dźviery aŭtamabila. Tolki paśla hetaha žančyna pajšła na kantakt. Padčas pravierki vyśvietliłasia, što 45-hadovaja žycharka Baranavičaŭ kiravała aŭtamabilem u stanie ałkaholnaha apjanieńnia, u kryvi ŭ jaje vyjaŭlena 1,4 pramile ałkaholu. Jak patłumačyła sama zatrymanaja, jana viartałasia z haściej, dzie vypiła kala 200 h harełki.
U dačynieńni da žančyny składzienyja administracyjnyja materyjały, aŭtamabil dastaŭleny na štrafstajanku. Vyjaŭlena, što žycharka Baranavičaŭ užo pryciahvałasia da administracyjnaj adkaznaści za kiravańnie transpartnym srodkam u stanie ałkaholnaha apjanieńnia. Za paŭtornaje na praciahu hoda pravaparušeńnie ŭ adpaviednaści sa art. 317-1 KK u hety raz jana budzie pryciahnutaja da kryminalnaj adkaznaści.
Ciapier čytajuć
«Hłavnoje»: chto staić za najbolšaj sietkaj rehijanalnych telehram-kanałaŭ Biełarusi. Jaje ślady viaduć u Rasiju4
Kamientary