Kiraŭnik Raśsielhasnahladu Siarhiej Dankviert paprasiŭ źniać ź jaho abaviazki pa kantroli za pastaŭkami tavaraŭ ź Biełarusi. Takuju zajavu jon zrabiŭ u časie svajho vystupu na III Mižnarodnym ahrarnym forumie «Ovoŝkult».
«Čamu ja adzin, [a tam mahčyma] kryminalnaja sprava … Ja paprasiŭ kiraŭnictva advieści mianie ŭbok, bo, moža, ja sapraŭdy škodnik niejki, raźbirajciesia z kryminalnaj spravaj», — skazaŭ Dankviert.
Pavodle jaho słoŭ, daručyć kantralavać pastaŭki praduktaŭ ź Biełarusi možna «novamu namieśniku» ministra sielskaj haspadarki.
«Ciapier u nas jość novy namieśnik ministra sielskaj haspadarki, jamu rynki daručany, vieterynaryju jon viedaje, byŭ maim namieśnikam. Chaj jon niejki čas Biełaruś paviadzie i pahladzić, dzie pieraduziataść», — skazaŭ Dankviert.
Zhodna ź infarmacyjaj na sajcie Raśsielhasnahladu, z 6 sakavika 2017 h. namieśnikam ministra sielskaj haspadarki Alaksandra Tkačova staŭ Jaŭhien Niepakłonaŭ, jaki da hetaha, z 2011 hoda byŭ namieśnikam Dankvierta.
U pačatku lutaha Łukašenka zapatrabavaŭ raspačać u Biełarusi kryminalnuju spravu ŭ dačynieńni da Siarhieja Dankvierta. Na dumku Łukašenki, kiraŭnik rasijskaha viedamstva nanosić škodu Biełarusi, pieraškadžajučy ŭvozu biełaruskich praduktaŭ charčavańnia ŭ Rasiju. «Nam treba vyvučyć pytańnie i raspačać kryminalnuju spravu pa Dankviertu … za naniasieńnie ŭronu dziaržavie», — zajaviŭ tady kiraŭnik Biełarusi. Pavodle jaho słoŭ, «usie hetyja Dankvierty» — ludzi zacikaŭlenyja. «U kožnaha vielizarnyja łatyfundyi, jany sami źjaŭlajucca vytvorcami taho ci inšaha praduktu», — zajaviŭ Łukašenka žurnalistam.
«U mianie na stale piać hadoŭ lažała papiera ź pieradačaj prava apieki nad synam». Volha Sieviaryniec — pra hady strachu, antydepresanty i nadzieju1212
Kamientary