Pra heta havorycca ŭ kamientary MZS Biełarusi.
«Biełaruski bok vielmi zaniepakojeny eskałacyjaj napružanaści ŭ Siryi. Zychodzim ź nieabchodnaści biezumoŭnaha zachavańnia normaŭ mižnarodnaha prava i niedapuščalnaści adnabakovych dziejańniaŭ biez sankcyi Rady Biaśpieki AAN.
Zaklikajem usie baki, jakija majuć dačynieńnie, raspačać dziejsnyja miery pa deeskałacyi kanfliktu i praciahnuć pošuk šlachoŭ jaho ŭrehulavańnia za stałom pieramoŭ.
Lubyja abvinavačvańni ŭ vykarystańni zabaronienych mietadaŭ i srodkaŭ viadzieńnia vajny pavinny być paćvierdžanyja kampietentnymi zaklučeńniami instytutaŭ AAN, u pryvatnaści Arhanizacyjaj pa zabaronie chimičnaj zbroi. My čakajem ad hetaj Arhanizacyi spravazdač z adnaznačnym paćviardžeńniem faktaŭ, jakija tyčacca prymianieńnia chimičnaj zbroi ŭ pravincyi Idlib, Siryja.
Prymajučy aktyŭny ŭdzieł u rabocie Arhanizacyi pa zabaronie chimičnaj zbroi, biełaruski bok u čarhovy raz paćviardžaje svaju paśladoŭnuju pazicyju ab niedapuščalnaści vykarystańnia chimičnaj zbroi nidzie, nikim i ni pry jakich umovach. Usie takija fakty pavinny być staranna rasśledavanyja, a vinavatyja pryciahnutyja da adkaznaści «, — havorycca ŭ kamientary.
TUT.BY źviarnuŭ uvahu, što ŭ kamientary MZS Biełarusi, u adroźnieńnie ad šmatlikich kamientaroŭ u Rasii, nie zhadvajecca ZŠA.
Maskva nazvała dziejańni Vašynhtona «ahresijaj pa nadumanych padstavach» i prypyniła miemarandum ab praduchileńni incydentaŭ i zabieśpiačeńni biaśpieki palotaŭ avijacyi ŭ Siryi.
Nahadajem, u noč na 7 krasavika ZŠA nanieśli ŭdar pa aeradromie Šajrat VPS Siryi ŭ pravincyi Choms. Pa dadzienych Pientahona, pa terytoryi avijabazy było vypuščana 59 kryłatych rakiet «Tamahaŭk». Donald Tramp vystupiŭ z zajavaj, u jakoj patłumačyŭ, što takoje rašeńnie pryniaŭ paśla taho, jak režym Asada ažyćciaviŭ chimičnuju ataku ŭ pravincyi Idlib.
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia18
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher55
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher5
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2323
Kamientary