Zatrymany načalnik hałoŭnaha ŭpraŭleńnia spažyvieckaha rynku Minharvykankama. Adpaviednaja infarmacyja raźmieščanaja na sajcie KDB.
«KDB Respubliki Biełaruś u ramkach procidziejańnia karupcyjnym prajavam vyjaŭlenaja i spynienaja maštabnaja supraćpraŭnaja dziejnaść hrupy słužbovych asob na čale z načalnikam hałoŭnaha ŭpraŭleńnia spažyvieckaha rynku Minskaha haradskoha vykanaŭčaha kamiteta S. A. Barysievičam. Zatrymana i źmieščana pad vartu dziesiać čałaviek», — havorycca ŭ paviedamleńni.
Zatrymanyja padazrajucca ŭ tym liku ŭ atrymańni chabaraŭ u bujnym i asabliva bujnym pamiery ad pradstaŭnikoŭ pryvatnych subjektaŭ haspadarańnia za spryjalnaje vyrašeńnie pytańniaŭ ab zaklučeńni damovaŭ (zakupki pa zavyšanych cenach i inš.) z padparadkavanymi pradpryjemstvami i arhanizacyjami.
U dačynieńni da fihurantaŭ raspačatyja kryminalnyja spravy pa artykułach 430 «Atrymańnie chabaru» i 432 «Pasrednictva ŭ chabarnictvie» KK Biełarusi. Maksimalnaja sankcyja pa hetym artykule praduhledžvaje pazbaŭleńnie voli na termin ad piatnaccaci hadoŭ z kanfiskacyjaj majomaści i z pazbaŭleńniem prava zajmać peŭnyja pasady abo zajmacca peŭnaj dziejnaściu.
«KDB praciahvaje praviadzieńnie nieabchodnych śledčych dziejańniaŭ i apieratyŭna-vyšukovych mierapryjemstvaŭ, nakiravanych na vyjaŭleńnie i dakumientavańnie inšych epizodaŭ supraćpraŭnaj dziejnaści zatrymanych», — adznačyli ŭ Kamitecie dziaržbiaśpieki.
Ciapier čytajuć
U SIZA KDB apynuŭsia Mikałaj Cyrto, fihurant staroj spravy Biełarusbanka. Druhi raz — za palityku1
U SIZA KDB apynuŭsia Mikałaj Cyrto, fihurant staroj spravy Biełarusbanka. Druhi raz — za palityku
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi1111
Kamientary