«Fašysty ad pačatku byli hamasiekami». Rasijski deputat Miłonaŭ daŭ piakielnaje intervju Ksienii Sabčak VIDEA
Skandalny deputat rasijskaj Dziaržaŭnaj Dumy ad partyi «Adzinaja Rasija» Vital Miłonaŭ staŭ hościem pieradačy «Sabčak žyŭcom» na niezaležnym telekanale «Dožd́».
Miłonaŭ zrabiŭ sabie karjeru jak zmahar za maralnaść rasijskaha hramadstva. U 2011 hodzie Miłonaŭ staŭ adnym z aŭtaraŭ picierskaha zakona ab administracyjnaj adkaznaści za prapahandu ŁHBT-supolnaści.
Hetaksama Miłonaŭ vystupaŭ suprać kaljanaŭ, teoryi Darvina, patrabavaŭ zakryć amaralny telekanał MTV, aburaŭsia kupalnikami ŭ hramadskich miescach.
U vyniku Miłonavu atrymałasia prabicca z Sankt-Pieciarburha ŭ Dumu.
«U Maskvie nie treba raźvitvacca z dobrymi, tradycyjanalisckimi zvyčkami, a to tak možna viehanam stać, fałafieli pačać žrać. Mnie padabajecca fałafiel u Damasku, tam chipstaraŭ niama. A ŭ Maskvie fałafiel niasmačny, a jašče jaho jaduć usiakija łuziery. U Maskvie ŭ płanie kamfortu, smačna pajeści, vielmi dobra», — kaža Miłonaŭ.
U hutarcy z Ksienijaj Sabčak Miłonaŭ nie zmoh praminuć svaju lubimuju temu homaseksualizmu. «Hamasiek, sadamit», — tak nazvaŭ Miłonaŭ ŁHBT-aktyvista, jaki prykavaŭ siabie kajdankami na moście Achmada Kadyrava. «Jon hamasiek, usie hamasieki śpidoznyja, — nie spyniaŭsia Miłonaŭ. — Kali b nie hamasieki, to ŚNIDu b nie było. Hetyja hamasieki spali z małpami, potym adzin z adnym, adtul pajšoŭ ŚNID».
Potym Miłonava paniesła jašče bolš: «Jašče Maksim Horki kazaŭ: «Prybiarycie hamasiekaŭ, fašyzm prapadzie». Heta jahonaja fraza. Fašysty ad pačatku byli hamasiekami, darečy, błakitnymi».
Zdajecca, u biełaruskim palityčnym poli nichto nie apuskajecca na ŭzrovień Miłonava. Ale chto b moh tut zaniać hetuju nišu?
Ciapier čytajuć
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB28
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ88
Kamientary