Salist «Staroha Olsy» stvaraje słužbu dapamohi aryštavanym pa «spravie patryjotaŭ»: «Jany najlepšyja syny Biełarusi»
«Aryštavanyja «bajeviki» — maje siabry. Z usio adkaznaściu śćviardžaju, heta — najlepšyja syny Biełarusi, sol našaha naroda. Heta honar i hodnaść! Jany adukavanyja, vychavanyja, raźvityja fizična i aduchoŭlenyja luboŭju da Ajčyny, — piša salist hurtu «Stary Olsa» Źmicier Sasnoŭski ŭ siabie ŭ fejsbuku. — Kab dapamahčy chłapcam upeŭniena vytrymać usio, patrebna dać ichnym siemjam dahlad i abaronu.
Stvaraju «Słužbu dapamohi» — kłopat pra ŭsie siemji, jakija paśla aryštaŭ zastalisia biez taty/muža. Sistema prostaja — chto moža dapamahčy mašynaj (u kramu pa ježu, pravoz dziaciej da palikliniki, siamju da babul/dziadul ci na lecišča), dziaŭčaty-niańki, vielmi patrebny vyjazny piedyjatr, chto santechnik, budaŭnik, radyjotechnik, kuchar, prahramist/naładčyk kampoŭ, mastak, nastaŭnik daškalataŭ, dziciačy trenier, chareohraf ci muzyka, chto moža achviaravać dobruju dziciačuju vopratku, a chto naładzić vyjezd na pryrodu… Usie vidy dapamohi (finansavyja pytańni — asabista z asiraciełymi-pry-žyvych). Usio ŭ vaš volny čas. A jašče pišycie listy ichnym siemjam — u padtrymku.
Chto budzie ŭdzielničać — stanie maim asabistym siabram. Usie maje festy i kancerty dla udzielnika SD — volny ŭvachod. Maje śviaty na chutary, maje siabry — usio stanie vašym.
Pisać mnie ŭ asabistuju — imia, kantakt, zdolnaści», — zaklikaje Źmicier Sasnoŭski.
Ciapier čytajuć
Minharvykankam pra vuličnaje aśviatleńnie: Heta była razavaja akcyja. Siońnia ŭklučać a 18-j2
Minharvykankam pra vuličnaje aśviatleńnie: Heta była razavaja akcyja. Siońnia ŭklučać a 18-j
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary