Ułady horadu Arl na poŭdni Francyi zabaranili vystupać 10‑hadovamu matadoru, jaki staŭsia zorkaj karydy ŭ Meksycy. Mišel Lahravere Peniče, jaki atrymaŭ mianušku «Michelita», vystupaje z šaści hadoŭ i za hety čas zabiŭ 60 maładych bykoŭ.
U Francyi jon musiŭ byŭ pryniać udzieł u raznavidnaści karydy, u jakoj byka nie zabivajuć u kancy. Da hetaha było abjaŭlena, što nia budzie karydy z udziełam Michelity ŭ inšym horadzie Fantvjej. Adnak u jakaści aficyjnaj pryčyny admieny imprezy byli nazvanyja mierkavańni biaśpieki.
U interviju ahienctvu Frans pres Michelita vykazaŭ škadavańnie z nahody admieny jahonych vystupleńniaŭ:
«Heta jak kali b dzicionku, jaki lubić futboł, zabaranili hulać».
Pradstaŭniki arhanizacyi, jakaja vystupaje suprać praviadzieńnia karydy, raskrytykavali ŭdzieł dzicia ŭ hetkich pradstaŭleńniach.
Kiraŭnik «Asacyjacyi suprać karydy» Kłer Staražynski padtrymała rašeńnie miascovych uładaŭ:
«Navat kali pryniać da ŭvahi, što byka nie zabivajuć, usio roŭna isnuje istotnaja ryzyka traŭmy dziciaci vahoj u 30 kilahramaŭ, jakoj vychodzić adzin na adzin z žyviołaj, jakaja važyć bolš za 200 kh.»
Akramia taho, praciŭniki karydy nahadvajuć pra zakony, jakija rehulujuć prava niepaŭnaletnich na pracu.
«Ja vielmi ździŭleny rašeńniem uładaŭ», — kaža baćka Michelity, kolišni matador Mišel Łahravere.
Pavodle jahonych słołŭ, praciŭniki karydy vyrašyli adyhracca na jahonym synie, bo jon staŭ zorkaj karydy ŭ Meksycy.
Fota z sajtu cesarteran.blogspot.com
Kamientary