Ajciec Fiodar Poŭny źniavažliva vykazaŭsia nakont «usiakich Tutbajeŭ»
«Kali ja nie viedaju hłyboka isłam, to mianie lohka pierakanajuć pačapić na siabie vybuchovyja pryłady i zabivać niaviernych ŭ imia Ałacha. Kali my budziem palityčna niepiśmiennymi, budziem cikavicca pracesami, što adbyvajucca, nie hłybinna, a tolki na ŭzroŭni emocyj i ŭsiakich Tutbajeŭ, to vielmi lohka možam trapić u hetuju pastku», — skazaŭ ajciec Fiodar Poŭny, vystupajučy na dyjałohu ŭ ramkach mižkanfiesijnaha fiestyvalu-vystaŭki «Vielikodnaja paska».
Jaho słovy cytuje ahienctva BiełaPAN.
Ajciec Fiodar Poŭny — adziny sa śviataroŭ Biełarusi atrymaŭ mahčymaść pabudavać sabie katedž u pasiołku namienkłatury Drazdy. Jaho achajny pałacyk maje na frantonie mazaičnuju vyjavu śviatoha, vykananuju ŭ vizantyjskim styli.
Poŭny časta supravadžaje Alaksandra Łukašenku ŭ pajezdkach na adpačynak.
Tut.by — samy papularny infarmacyjny partał Biełarusi. Zhodna sa źviestkami internet-ličylnika Similarweb, za sakavik staronki Tut.baj prahladalisia 37 młn razoŭ, siaredniaja praciahłaść prahladu skłała 6 chvilin 25 siekundaŭ. Dla paraŭnańnia: samy papularny łukašenkaŭski resurs, sajt infarmacyjnaha ahienctva BiełTA, mieŭ za toj ža miesiac 2,8 młn prahladaŭ, abo ŭ 13 razoŭ mieniej. Siaredniaja praciahłaść prahladu na BiełTA taksama našmat mienšaja — 1 chvilina 40 siekundaŭ.
Kamientary