Viarchoŭny pradstaŭnik ES pa zamiežnych spravach i palitycy biaśpieki Fiederyka Mahieryni zapatrabavała ad Rasii abaranić pravy ŁHBT u Čačni. Pra heta jana zajaviła paśla pieramovaŭ z kiraŭnikom rasijskaha MZS Siarhiejem Łaŭrovym.
Mahieryni skazała, što ŭłady Rasii niasuć pramuju adkaznaść za abaronu hiejaŭ u Čačenskaj respublicy. «My pieradali rasijskamu ŭradu, što heta častka ich abaviazkaŭ — abaraniać svaich hramadzian», — zajaviła pradstaŭnik ES.
Siarhiej Łaŭroŭ u adkaz paprasiŭ pradstavić faktyčnyja dokazy parušeńniaŭ pravoŭ hiejaŭ u Čačni, «pierš jak vystupać z takimi žorstkimi asudžeńniami». Pa słovach ministra, nijakaj infarmacyi, jakaja paćviardžaje, što ŭ respublicy pieraśledujuć hiejaŭ, «pakul my kančatkova nie bačyli».
Raniej «Novaja hazieta» paviedamiła, što na pačatku hoda ŭ Čačni bolš za 100 čałaviek byli zatrymanyja pa padazreńni ŭ tym, što jany hiei. Try čałavieki, pa dadzienych vydańnia, byli zabityja. Ułady Čačni abvinavacili žurnalistaŭ u paklopie, zajaviŭšy, što ŭ respublicy naohuł niama homaseksuałaŭ.
Kiraŭnik Čačni Ramzan Kadyraŭ zaklikaŭ «pradažnych šajtanaŭ» paprasić prabačeńnia za artykuły ab Čačni.
Siužet «Hroznaha TB» ab reakcyi na publikacyju «Novaj haziety». Na kadry — ekstrany schod pradstaŭnikoŭ 24 čačenskich virdaŭ, isłamskich bahasłovaŭ i lidaraŭ hramadskaj dumki Čačni. Kadr «Hrozny TV».
24 krasavika «Novaja hazieta» paviedamiła pra isnavańnie šaści sakretnych turmaŭ dla hiejaŭ u Čačni.
Čytajcie taksama:
Z Čačni prahučali pahrozy na adras rasijskaj apazicyjnaj «Novoj haziety». Jaje supracoŭniki bajacca za žyćcio
Ciapier čytajuć
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj41
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1515
Kamientary