Aŭtobus z bolš jak 40 biełaruskimi turystami trapiŭ u avaryju na aŭtadarozie M2 pamiž Varšavaj i Łodździu, jon vioz ludziej u Hrodna paśla ekskursii ŭ Prahu. Paviedamlałasia ab 17 paciarpiełych, jakim spatrebiłasia dapamoha miedykaŭ. Turpajezdku ažyćciaŭlała hrodzienskaja turystyčnaja kampanija, dla čaho skarystałasia pasłuhami pasažyrskich pieravozak PDUP «IvAnTur».
«Jak tolki pastupiła infarmacyja ab DTZ, my adrazu ž adpravili ŭ Polšču jašče adzin aŭtobus, na dadzieny momant źbirajem pasažyraŭ, kab pryvieźci ich dadomu. Praktyčna ŭsie ŭžo znachodziacca ŭ aŭtobusie, u Varšavie zabiarem i tych hrodziencaŭ, jakija byli dastaŭleny ŭ balnicy, ich stan aceńvajecca jak zdavalniajučy, traŭmy nie surjoznyja. Takim čynam siońnia ŭ Hrodna pryviaziem usich udzielnikaŭ turpajezdki, uklučajučy žančynu, jakuju pieravozili ŭ balnicu Varšavy na viertalocie, — u jaje pierałom klučycy», - udakładniŭ pradstaŭnik pieravozčyka.
Pavodle jaho słoŭ, siarod udzielnikaŭ pajezdki nie było dziaciej. Pa viartańni ŭ Biełaruś ludzi atrymajuć hrašovuju kampiensacyju — aŭtobus byŭ zastrachavany na taki vypadak.
Pa paviedamleńni polskich ŚMI sa spasyłkaj na infarmacyju miascovaj palicyi, DTZ adbyłosia kala 4 ranicy. Aŭtobus, jaki ruchaŭsia ŭ napramku Varšavy, źjechaŭ u kiuviet i pierakuliŭsia. Pryčyna DTZ vyśviatlajecca.
Džefry Epštejn niekalki razoŭ atrymlivaŭ vizu ŭ Biełaruś. I dakładna naviedvaŭ našuju krainu7
Kamientary