Taksi-startap Juno z centram raspracoŭki ŭ Minsku kuplajuć za $250 miljonaŭ
Anłajn-servis pa zamovie taksi Juno, centr raspracoŭki jakoha znachodzicca ŭ Minsku, znajšoŭ pakupnika, paviedamlaje dev.by. Pavodle infarmacyi TechCrunch, im stanie izrailski padobny servis Gett. Spačatku nazyvałasia suma ŭhody ŭ $250 miljonaŭ, adnak u vyniku taksi-servis byŭ pradadzieny tańniej, za $200 miljonaŭ.
Juno — startap Ihara Mahazińnika i Talmona Marka. Prahrama dazvalaje złučać pasažyra i kiroŭcu taksi.
Servis byŭ zapuščany praz hod paśla taho, jak IT-pradprymalniki pradali svoj papiaredni pradukt, prahramu Viber, japonskaj karparacyi Rakuten. Admietna, što Viber taksama raspracoŭvaŭsia ŭ Minsku. Taja ŭhoda kaštavała $900 miljonaŭ.
Za hod pracy štat mienskaha ofisa raspracoŭki Juno — Juno Lab — pieravysiŭ 80 čałaviek. U intervju dev.by Talmon Marka tak tłumačyŭ pryčynu adkryćcia pradstaŭnictva ŭ Biełarusi:
«Jość adna reč, jakuju ja vyrazna zrazumieŭ za čas pracy ŭ Biełarusi: centr raspracoŭki tut — heta vielmi dobraja ideja. My absalutna nie abaviazany budavać novuju kampaniju mienavita tut i nie davali abiacańniaŭ ŭ duchu Švarcenehiera: I'll be back. Ale my znajšli tut raspracoŭščykaŭ najvyšejšaha kłasa — jak prafiesijna, tak i čysta pa-ludsku».
Pavodle acenki, Gett i Juno zmohuć vyjści na druhoje miesca na suśvietnym rynku taksi. Abjadnanaja kampanija budzie sastupać tolki Uber.
81‑hadovuju maci aŭtaryteta Skitova z «Babulinaj krynki» kinuli ŭ SIZA KDB, kab jon narešcie zahavaryŭ8
Kamientary