«Vyjšaŭ ź piceryi, a pierada mnoj dvoje amapaŭcaŭ i bus» — Aleh Łaryčaŭ raspavioŭ pra svajo zatrymańnie
U sudzie Centralnaha rajona Minska 28 krasavika razhladajuć«spravu» kuratara hrafici-supołki «Sihnał», art-mieniedžara Aleha Łaryčava.
Łaryčava nie bačyli z 26 krasavika. Praz paŭtara dnia, kali rodnyja ŭžo pačali chvalavacca, vyśvietliłasia, što Aleh zatrymany, i ŭ piatnicu ŭ sudzie Centralnaha rajona jaho buduć sudzić pa art.17.1 KoAP (drobnaje chulihanstva).
Paźniej źjaviłasia infarmacyja, što sproba suda była jašče a 10-j viečara 27 krasavika, ale pasiadžeńnie pieranieśli da zapatrabavańnia materyjałaŭ.
Na pasiadžeńnie ŭ znak salidarnaści pryjšoŭ lidar Ruchu «Za Svabodu» Juryj Hubarevič.
Pierad sudom Alehu ŭdałosia pahutaryć z presaj.
«Uviečary 26-ha krasavika my ź Siarhiejem Čałym byli ŭ piceryi. Jana zakryvałasia, Čały zatrymaŭsia ŭnutry, ja vyjšaŭ na vulicu, i raptam padyšli dvoje amapaŭcaŭ, pobač busik stajaŭ… Kažuć, pajedziem u adździaleńnie, tam raźbiaromsia. Nibyta jość padazreńnie ŭ ździajśnieńni złačynstva. Ja navat nie paśpieŭ skazać Čałamu, što mianie zatrymlivajuć. A zatrymali mianie nibyta za toje, što łajaŭsia matam, razmachvaŭ rukami. Noč ja pravioŭ u RAUSie Centralnaha rajona, paśla pryvieźli ŭ sud. Na sudzie ja zapatrabavaŭ, kab pradastavili videa ź videarehistrataraŭ amapaŭcaŭ i videa ź piceryi. Pra videa ź piceryi sudździa chadajnictva adchiliła, ale zapis z rehistrataraŭ amapaŭcaŭ pavinien być, — raspavioŭ Łaryčaŭ žurnalistam. — Uvohule, kali mianie zatrymlivali, ja spačatku padumaŭ, što heta pamyłka, moža mianie pierabłytali z kimści, ci niedabor paśla Čarnobylskaha šlachu».
Nahadajem, 4 krasavika Łaryčaŭ byŭ źbity nieviadomymi ŭ padjeździe svajho doma i dastaŭleny ŭ balnicu chutkaj dapamohi.
U apošnija miesiacy ŭ Minsku źjaviŭsia šerah vostrasacyjalnych hrafici i postaraŭ: kalučy drot na malunku, jaki simvalizuje družbu Minska i Maskvy, nalepki «zialonych čałaviečkaŭ» i aplikacyi z partretami eks-kiraŭnika Minpracy i sacabarony Maryjany Ščotkinaj, ministra ŭnutranych spraŭ Ihara Šunieviča i kamandzira staličnaha AMAPa Dźmitryja Bałaby. Aŭtary postaraŭ z vyjavami čynoŭnikaŭ i «zialonych čałaviečkaŭ» nieviadomyja.
Paźniej ścieny ŭpryhožyli jašče i vyjavy staršyni Biełteleradyjokampanii Hienadzia Davydźki i ministra infarmacyi Lilii Ananič.
Sam Łaryčaŭ źviazvaŭ svajo źbićcio mienavita z hetymi hrafici, źjaŭleńnie jakich aśviatlała supołka «Sihnał».
-
Valfovič prakamientavaŭ zajavy SVR i paprasiŭ Jeŭropu nie dyktavać Biełarusi, jak žyć
-
Dziasiatki hadoŭ ekśpiedycyj u adnym jutub-kanale. U Biełarusi prezientavali videarchiŭ Mikoły Kozienki z narodnymi tancami i abradami
-
Niaklajeŭ apublikavaŭ złabadzionny vierš. U im zhadvajecca i Kaleśnikava z Babarykam, i Cichanoŭskaja, i Prakopjeŭ z Paźniakom
Niaklajeŭ apublikavaŭ złabadzionny vierš. U im zhadvajecca i Kaleśnikava z Babarykam, i Cichanoŭskaja, i Prakopjeŭ z Paźniakom23
Kamientary