U trapičnych lasach znojdzienyja novyja vidy kamaroŭ, jakija nie pjuć kroŭ
U chodzie sumiesnaj ekśpiedycyi navukoŭcaŭ Estonskaha ŭniviersiteta pryrodaznaŭčych navuk, univiersitetaŭ Turku i San-Paŭłu (Brazilija) byli vyjaŭlenyja i apisanyja novyja vidy kamaroŭ, jakija hrebujuć čałaviečaj kroŭju. Unikalnyja kazurki znojdzienyja ŭ hłuchich rajonach Centralnaj i Paŭdniovaj Amieryki.
Adrazu piać novych vidaŭ nasiakomych, jakija žyvuć u Kosta-Rycy i Kałumbii, byli apisanyja ŭdzielnikami ekśpiedycyi. Havorka idzie pra drobnych kamarykaŭ daŭžynioj da 2 mm. Jany žyvuć u vilhotnaj trapičnaj zonie, i pry hetym ich kolkaść davoli vysokaja.
Adroźnieńnie vyjaŭlenych vidaŭ składajecca ŭ tym, što jany nie pjuć kroŭ čałavieka abo žyvioł, a taksama nie vystupajuć pieranosčykami niebiaśpiečnych chvarob nakštałt malaryi. Ich ličynki jaduć arhaniku, jakaja razłahajecca, vykonvajučy rolu «sanitaraŭ lesu».
Paviedamlajecca, što kazurki byli vyłaŭlenyja navukoŭcami z univiersiteta Kientuki (ZŠA) trochi raniej, i ekśpiedycyja mieła na mecie paćvierdzić i apisać novyja vidy kamaroŭ.
-
Navukoviec raspavioŭ pra hieałahičnyja zahadki Biełarusi: irtuć ź ziamli i kratar ad padzieńnia mietearyta, jaki źniščyŭ usio žyvoje ŭ radyusie tysiač kiłamietraŭ
-
Falsifikacyi ŭ daśledavańniach chvaroby Alchiejmiera. Jak vyniki pryviali nie tudy
-
Biełaruskija vučonyja pachvalilisia papiarovymi kubačkami, vyrablenymi pa novaj technałohii. Takija to rabili daŭno, ale našy dadali inšaje rečyva
Ciapier čytajuć
Maładuju arhanizatarku viasiellaŭ asudzili za «raspalvańnie varožaści»3
Kamientary