Mižnarodnyja avijalinii Ukrainy ŭviali łaŭkost-taryfy na ŭsie ŭłasnyja rehularnyja ŭnutranyja i mižnarodnyja rejsy pry ŭmovie rańniaha afarmleńnia biletaŭ. Pra heta paviedamlaje Tut.by sa spasyłkaj na pres-słužbu avijakampanii.
Nabyć kvitki na ŭnutranyja rejsy možna pa canie ad 9 dalaraŭ i na mižnarodnyja — ad 21 dalara ŭ adzin bok z ulikam usich zboraŭ. Košt zaležyć ad praciahłaści pieralotu i hłybini braniravańnia — za šeść, vosiem i dziesiać miesiacaŭ da vyletu. Naprykład, kvitki na rejsy praciahłaściu da 2 hadzin buduć kaštavać 21, 29 i 49 dalaraŭ adpaviedna. Rejsy praciahłaściu da 3 hadzin — 31, 39 i 59 dalaraŭ, bolš za 3 hadziny — 41, 49 i 69 dalaraŭ.
Naprykład, bilet Kijeŭ — Minsk na 12 listapada na sajcie avijakampanii kaštuje pa łaŭkost-taryfie 55,24 jeŭra (prykładna 60 dalaraŭ), a na 14 studzienia 2018 hoda — 36,24 jeŭra (prykładna 39 dalaraŭ). Pry hetym u košt kvitka ŭvachodzić tolki ručnaja pakłaža da 7 kh. Viarnuć abo pamianiać kvitok nielha. Praciahłaść palotu z Kijeva da Minska — 1 hadzina 5 chvilin. A voś kali kuplać kvitki ŭ hetyja daty nie pa łaŭkost-taryfie, a pa ekanom (z bahažom 23 kh), to na 12 listapada i 14 studzienia košt budzie 75,68 jeŭra (kala 82 dalaraŭ).
Kali lacieć z Kijeva ŭ Bierlin 1 lutaha 2018 hoda, to łaŭkost-kvitok budzie kaštavać 27,32 jeŭra (prykładna 30 dalaraŭ), u Amsterdam — 36,32 jeŭra (prykładna 39 dalaraŭ), u Stakholm — 27,10 jeŭra (prykładna 29 dalaraŭ).
Ceny sapraŭdnyja tolki pry kupli na sajcie avijakampanii. Pry nabyćci biletaŭ praz kantaktny centr abo ŭ ofisach prodažaŭ pryjdziecca zapłacić servisny zbor 18 dalaraŭ ZŠA.
U košt kvitka ŭvachodzić tolki bazavaja pasłuha pieravozki. Heta značyć, što pa canie kvitka možna pravozić tolki ručnuju pakłažu da 7 kh. Dadatkovyja pasłuhi — pravoz bahažu, bartavoje charčavańnie pry žadańni pryjdziecca apłačvać asobna. Kvitki niezvarotnyja.
Łaŭkost-taryf nie raspaŭsiudžvajecca na dalokamahistralnyja rejsy, heta značyć na adlehłaści bolš za 6000 km. Naprykład, z Kijeva ŭ Banhkok, Ńju-Jork, Piekin, Kałomba.
-
Mabilny apieratar abviaściŭ pra «maštabnyja raboty» pa palapšeńni suviazi ŭ dźviuch abłaściach
-
Biełarus u Polščy sprabavaŭ stać ahientam KDB. Jon hatovy byŭ rabić dyviersii ŭ Jeŭropie i danosić na biełarusaŭ zamiežža
-
Na kancercie Karža varšaŭskaja palicyja zatrymała 109 čałaviek. I praviaraje łozunhi, jakija hučali na stadyjonie
Ciapier čytajuć
Były hałoŭny ideołah Biełarusi pradaŭ dom u Drazdach za $600 tysiač5
Kamientary