Prezident ZŠA Donald Tramp maje namier damahacca vysieleńnia biazdomnych žycharoŭ Vašynhtona.
«Ja źbirajusia zrabić našu stalicu bolš biaśpiečnaj i pryhožaj, čym kali-niebudź raniej. Biazdomnyja pavinny nieadkładna pakinuć centr horada. My damo vam miescy dla pražyvańnia, ale daloka ad stalicy. A złačyncy — vam niama kudy iści. My pasadzim vas u turmu, dzie vam i miesca. Usio adbudziecca vielmi chutka, tak ža, jak na miažy», — napisaŭ Tramp u sacyjalnaj sietcy Truth Social.
Detali svajho płana, jaki praduhledžvaje nie tolki baraćbu sa złačynnaściu, ale i «dobraŭparadkavańnie» Vašynhtona, Tramp maje namier pradstavić na pres-kanfierencyi ŭ paniadziełak.
«…Pakazčyki złačynnaści tolki paharšajucca, horad stanovicca brudnym i mienš pryvabnym… Da źjaŭleńnia namiotaŭ, žabractva, brudu i złačynnaści stalica była samym pryhožym horadam u śviecie. Chutka jana znoŭ takoj stanie», — napisaŭ Tramp u asobnym dopisie.
Kamientary