Dyjamientavyja zavušnicy pradadzienyja za rekordnyja $57 miljonaŭ
Na aŭkcyjonie «Sotbis» u Šviejcaryi za rekordnuju sumu ŭ 57,4 młn dalaraŭ pradadzienyja dyjamientavyja zavušnicy amal u 16 karat kožnaja, paviedamlaje VVS.
U toj ža čas vypłačanaja suma akazałasia istotna nižejšaj za pieršapačatkovyja acenki: za łot čakałasia vyručyć 70 młn dalaraŭ.
Abodva kamienia nie majuć jakich by to ni było zahan i byli zdabytyja ŭ šachtach PAR. Pakupnik zavušnic pažadaŭ zastacca nieviadomym.
Zavušnicy atrymali nazvu «Apałon i Artemida». Jany całkam identyčnyja, za vyklučeńniem koleru: dyjamient «Artemida» ružovy, a «Apałon» — błakitny.
U suviazi z hetym košt dyjamientaŭ taksama adroźnivajecca. Kamień «Artemida» byŭ pradadzieny za 15,5 młn dalaraŭ, a «Apałon» — za 42,5 młn.
Takaja roźnica ŭ canie tłumačycca tym, što błakitnyja dyjamienty sustrakajucca radziej, čym ružovyja.
Ciapier čytajuć
Ejsmant: Statkieviča pamiłavali ŭžo paŭhoda nazad, ale tady jon viarnuŭsia ŭ turmu30
Kamientary