U centry Maskvy zatrymany 10-hadovy chłopčyk, jaki dekłamavaŭ uryŭki z «Hamleta». Pra heta vydańniu «Miediazona» raspavioŭ baćka dziciaci Illa Skaŭronski.
«Žonka siadzieła, čytała knihu, a dzicia dekłamavała «Hamleta». Padjechaŭ narad milicyi, pra niešta jany razmaŭlali bieź jaje ŭdziełu. Potym skrucili jaho, jość videazapis. Stali zapichvać — jana padyšła, sprabavała pieraškodzić hetamu», - raspavioŭ Skaŭronski.
«AUS-Infa» paviedamlaje sa spasyłkaj na baćku dziciaci, što chłopčyka zabrali ŭ palicyju za žabractva. Skaŭronski abvierh takuju dumku.
«Jon zajmajecca teatralnaj dziejnaściu. Dla jaho hetyja vychady na vulicu — heta baraćba z kompleksami», - skazaŭ baćka chłopčyka.
Chłopčyka adnaho pasadzili ŭ palicejskuju mašynu i advieźli ŭ AUS «Arbat». Tudy ž pryjechali jaho baćki. Baćku sprabavali źvinavacić pa artykule ab nievykanańni abaviazkaŭ pa vychavańni, a maci — supraciŭ supracoŭniku palicyi.
Apoŭnačy ich adpuścili z palicyi.
***
Upaŭnavažany pa pravach dziciaci ŭ Rasii Hanna Kuźniacova zajaviła, što «raźbiarecca» z zatrymańniem 10-hadovaha chłopčyka.
«Ja, viadoma, razumieju, što palicejski nie animatar, ale heta ž dzicia … Raźbiaremsia va ŭsim abaviazkova», - napisała jana ŭ fejsbuku.
Ciapier čytajuć
Piać pryčyn — u tym liku adna fantastyčnaja, — pa jakich biełarusam adklučyli śviatło ŭ haradach10
Piać pryčyn — u tym liku adna fantastyčnaja, — pa jakich biełarusam adklučyli śviatło ŭ haradach
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary